Popular Bible Verses from Luka 23

Share

Yesu uahandekele nguendi, “Tate vakonekele! Muomu kuvazivuka cije civalinakulinga.” Kaha masualale valipangezelele vuzalo vuendi na kuta nkela.

Yesu uamukumbuluile nguendi, “Muavusunga njikuleka nguange lelo vene ukakala hamo nange mu Palandaisi.”

Kaha uahandekele kuli Yesu nguendi, “Yesu njivuluke omo ukeja mu vumuene vuove.”

Kaha Yesu uatambekele na lizi liakama nguendi, “Tate! Njihaka cimbembesi cange mu mavoko ove.” Hanima yakuhandeka mezi aua uatsile.

Omo vahetele kucihela cije vatumbuile nguavo, “Cikola,” kaha vashukikile Yesu ha cilindakano na vaje mihuza vavali umo ku livoko liendi lia cilio mukuavo ku livoko lia cimoshue.

Omo tele litangua lili hakati ka mutue, kaha litangua liazivalele kuakekele milima ha mavu hoshe kutuala noho ha ntsimbu ya mucitatu ya mutania ua cinguezi. Kaha ntanga ije yakele mu njivo ya Njambi yatavukile hakati kuhuma kuilu na ha mavu.

Omo mukuluntu ua masualale uamuene vije vialingiuile, uashangazalele Njambi nakuhandeka nguendi, “Muavusunga yala ou uapuile muka vusunga.”