Popular Bible Verses from Ni balüü Jesucrist loj San Juan 22

Share

Naj na̱j ziꞌc lejtr A con lejtr Z, lejtr ni rzulojnë ni rlioxnë tëë alfabeto, din tijbzi naj rniabee diizd guiaꞌxchej në par tiblayaa.

Rëb Jesucrist: ―Gol badxeꞌguijc guial nayob guialan, abiꞌ guidneꞌn ni rayal tijbgaj bejn bal gonin been tijbgajman.

XSprijt Dios con biinxdüb ni gac lacheel bén na̱j ziꞌc xi xiil Dios rëb reeman: ―Guda. Abiꞌ bén riguiejn rniee reeman zian, rëb gajcaman: ―Guda. Chutëëz bén reꞌc nijs, gol guda, abiꞌ bén rën zajc guiëꞌman nijs runee guialnaban lagajzi.

Xiquilbaa ree bén ni na̱j ziꞌc ree bén ma gudiib xab guial ridxgaꞌ reeman xtiidx Dios, din gac chuꞌ reeman niz roꞌ xport ciuda guin din gap tëë reeman derejch gaw reeman ni nejxh ni rtia loj yag runee guialnaban.

Dad Jesucrist rëb guial nayob guiꞌtaman. ¡Xiquilbaa ree bén ridxgaꞌ ni ca loj libr guie ni rugojn ni gac!

Achetri guiaal chuꞌ ni, ad ryaadxt bajl niꞌqui gubijdx din dux Dad ree Dios gusni ni, abiꞌ ma nabee reeman tiblayaa con laaman.

Bén ragbee guial diidxli na̱j gra ree ni guie, rëbaman: ―Walin, nayob guialan. Zian gacan Dad Jesús, ¡Guda! Dad Jesús güünleꞌ gradi. Amén.

Gra ree bén riguiejn ree diidx ni zëëd loj libr guie ni gac, naj rni lojdi bal chu bén gucaa guijc ni zëëd loj libr guie, ziangajc zusroꞌ Dios guialzi ni zëëd loj libr guie par laaman. Ziangajc bal chu chiquied xhie diidx guijc ree diidx ni zëëd loj libr guie ni gac ziangajc chiquied Dios guijc ni rayalaman loj yag runee guialnaban ni ruzaꞌt libr guie ad zayu tëëtaman loj xciuda Dios ni ruzaꞌt libr guie.