Popular Bible Verses from Mat 6

Share

Oba sieekjt daut ieeschte no Gott sien Rikj un no siene Jerajchtichkjeit, un aul dise Dinja woat junt biejelajcht woaren.

Doawäajen sell jie nich fa dän Morjen sorjen, wiels dee Morjen woat fa sikj selfst sorjen. Jieda Dach haft jenuach met siene ieejne Ploag.

Doawäajen saj Ekj junt: Sorcht nich om jun Läwen, waut jie äten un waut jie drinkjen sellen; uk nich om junen Kjarpa, waut jie auntrakjen sellen. Es daut Läwen nich mea aus daut Äten? un de Kjarpa mea aus de Kjleedunk?

Oba du, wan du bätst, go en diene Bennastow un moak de Däa too un bäd to dienem Voda em Jeheemen. Un dien Voda, dee en daut Jeheeme sitt, woat die doafäa effentlich beloonen.

Doawäajen sell jie soo bäden: Ons Voda, dee du em Himmel best! Dien Nomen saul jeheilicht woaren. Lot dien Rikj komen. Lot dien Wellen oppe Ieed jedonen woaren soo aus em Himmel.

Ons needjet Broot jeff ons vondoag.

Un vejeff ons onse Schulden, soo aus wie onse Schildna vejäwen.

Un fia ons nich enne Vesieekjunk, oba lees ons vom Beesen. Wiels dient es daut Rikj un de Krauft un de Harlichkjeit enne Eewichkjeit. Amen!

Wiels wan jie de Menschen äare Fäla vejäwen, dan woat jun himlischa Voda junt uk vejäwen.

Kjikjt no de Väajel vom Himmel; dee seien nich un arnten nich un saumlen nuscht en de Spikjasch, un jun Voda em Himmel foodat dee doch. Sent jie nich väl bäta aus dee?

Jie sellen junt nich Schaza saumlen oppe Ieed, wua Motten un Rosta dee vefräten, un wua de Stäla derchgrowen un stälen. Oba saumelt junt Schaza em Himmel, wua nich Motten uk nich Rosta dee vefräten, un wua de Stäla nich nogrowen un stälen. Wiels wua jun Schauz es, doa woat uk jun Hoat sennen.

Kjeena kaun twee Haren deenen; wiels entwäda hee woat eenen haussen un dän aundren leewen, ooda hee woat dän eenen aunhenjen un dän aundren ve-achten. Du kaust nich Gott deenen un däm Mammon.

Wan oba Gott daut Graus von de Stap, daut vondoag doa steit un morjen en dän Owen jeschmäten woat, soo kjleet: wudd Hee junt daut nich väl mea doonen, Oo jie Kjliengloowsche?

Oba wan du Aulmoosen jefst, lot diene linkje Haunt nich weeten, waut de Rajchte deit, soo daut diene Aulmoosen em Jeheemen sent, un dien Voda, dee em Jeheemen sitt, woat die daut effentlich beloonen.

Seet junt väa, daut jie june Aulmoosen nich ver de Menschen jäwen, om von äant jeseenen to sennen; wiels dan hab jie kjeenen Loon von junem Voda em Himmel.

Un wan jie fausten, sell jie nich sua kjikjen soo aus de Heichla. Wiels see vestalen äare Jesechta, om ver de Menschen to schienen, aus wan see fausten. Ekj saj junt woarhauftich: See haben äaren Loon wajch. Oba wan du fausten deist, dan saulw dien Kopp en un wausch die daut Jesecht, soo daut du nich ver de Menschen schienst met dien Fausten, oba ver dienem Voda, dee em Jeheemen es. Un dien Voda, dee doa en daut Jeheeme sitt, woat die doafäa effentlich beloonen.