Popular Bible Verses from Joh 2

Share

Disen Aunfank von Wundatieekjens deed Jesus en Kana von Galiläa un openboad siene Harlichkjeit; un siene Jinja jleewden aun Am.

Jesus sajcht to ar: Fru, waut hab Ekj met die to doonen? Miene Stund es noch nich jekomen.

Jesus sajcht to äant: Felt de Wotakrucken voll Wota. Un see felden dee bat bowen voll. Un Hee sajcht to äant: Schapt nu un brinjt daut däm Kjäakjenmeista. Un see brochten am daut.

Jesus auntwuad un säd to äant: Venicht disen Tempel, un en dree Doag woa Ekj dän opprechten.

Un Hee muak eene Pitsch von Benja un juach äant aula ut däm Tempel rut un de Schop un de Ossen un veschedd de Jeltwakjsla äa Jelt un stelpt de Deschen om. Un Hee säd to dee, waut Duwen vekoften: Nämt dise Dinja hia wajch; moakt nich mien Voda sien Hus to een Moakjt-Hus.