Popular Bible Verses from Matej 24

Share

Adaleske so ka ovel baro lošnipa hem butengoro mangipe ka šudrol. Ama adava so ka ačhol verno dži ko krajo ka ovel spasimo.

I akava evangelije bašo carstvo nebesno ka ovel propovedimo ko celo sveto sar svedoštvo sa e narodonge, i togaš ka avel o krajo.”

Ka šunen deka isi vojne hem deka kerela pe lafi bašo maribe, ama ma daran. Soske sa adava mora te ovel, ama panda nane o krajo.

Ka ušten nacija protiv nacija, hem carstvo protiv carstvo. Ka oven zemijotresija ko razna thana, hem bokhalipe. Sa akava tano samo o početok taro bijanibaskere dukha.

O nebo hem i phuv ka nakhen, ama me lafija nikat nane te nakhen.”

Soske but džene ka aven ko mo anav, hem ka vakeren: ‘Me sijum o Hristos’, hem ka hovaven buten.

Togaš ka oven predajme, te oven mučime hem ka mudaren tumen. Hem sa o nacije ka mrzinen tumen baši mange. Ko adava vreme, but džene ka peren tari vera, jekh jekhe ka predajnen hem ka mrzinen. Ka pojavinen pe but hovavne prorokija hem buten ka hovaven.

O Isus odgovoringja: “Pazinen, ma te hovavel tumen nekoj.

Agjar tumen da trebela te oven spremna, soske o Čhavo Manušeskoro ka avel togaš koga nane te adžikeren le.”

Adaleske oven džangavde, soske na džanena ko kova dive ka avel tumaro Gospodari.

“Ama bašo adava dive hem sati nikoj na džanela, ni o angejla taro nebo, ni o Čhavo, samo o Dad.

Soske ka pojavinen pe hovavne hristosija hem hovavne prorokija, so ka keren bare znakija hem čudija te šaj te probinen te hovaven adalen da soj birime.

Sar so sine ko vreme e Noeskoro, agjar ka ovel hem koga o Čhavo Manušeskoro ka avel. Soske ko adala dive angleder te avel i poplava, o manuša hana sine hem pijena, lena pe sine maškar peste, sa dži ko adava dive koga o Noe khugja ko brodi; a ola ništo na džange so ka ovel sa dži kote na ali i poplava hem legargja sarinen. Agjar ka ovel hem koga o Čhavo Manušeskoro ka avel.