Popular Bible Verses from Matej 19

Share

O Isus dikhla len šukar hem phengja: “Akavaj nešto so o manuša našti te keren, ama o Devel šaj kerela sa.”

Agjar ola nane više duj, nego jekh telo. Adaleske, o Devel so phandla, o manuš ma te odvinel.”

Ov odgovoringja lenge: “Na čitingjen li deka ko početok o Stvoriteli ‘kergja len murš hem džuvli’? Hem phengja: ‘Adaleske o manuš ka mukhel pe dade hem pe daja, hem ka ovel jekh pe romnaja, hem ola o duj ka oven jekh telo.’

A o Isus phengja lenge: “Mukhen e tikne čhaven te aven ki mande hem ma zaptinen len, soske asavkjenge pripadinela o nebesno carstvo.”

Ama but džene soj prva ka oven posledna, a but džene soj posledna ka oven prva.”

Hem sekoj jekh so mukhela po kher, ili pe phralen, ili pe phejnen, ili pe dade, ili pe daja, ili pe romna, ili pe čhaven, ili pe nive, baši mange, ka dobinel šel puti poviše hem ka nasledinel o večno životo.

O Isus odgovoringja leske: “Te mangeja te ove sovršeno, dža, bikin sa so isi tut hem delin e čorolenge, i ka ovel tut barvalipe upre ko nebo. Togaš ava hem phir pala mande.”

A o Isus odgovoringja: “Soske pučeja man bašo adava soj šukar? Isi samo jekh soj šukar - o Devel. Ako mangeja te khuve ko večno životo, iker o zapovedija.”

I palem phenava tumenge, polokhe ka ovel e kamilake te nakhel maškar o kan e suvijakoro, nego e barvaleske te khuvel ko carstvo e Devleskoro.”

Ama vakerava tumenge deka sekoj so mukhela pe romna, osven ako izneveringja le, hem ka lel javera romnake, ov kerela preljuba.”

Togaš o Isus vakergja pe učenikonge: “Čače phenava tumenge, pharo i adaleske soj barvalo te khuvel ko nebesno carstvo.