Popular Bible Verses from MATTHEW 7

Share

“Mangibi, aru eitu tumikhan ke di dibo; bisaribi, aru tumikhan pabo; tukurabi, aru tumikhan karne khuli dibo.

Kilemane kon he mange, taikhan pabo, aru kon he bisare, taikhan pabo, aru kon he tukurai ase, khuli dibo.

“Etiya kon manuh pora moi laga kotha huni ase aru eitu khan palon kori kene cholai ase, eitu manuh tu pathor upor te ghor bona gyani manuh nisna hobo

“Ji konu kam sob te dusera pora keneka korile tumikhan bhall pai teneka tumikhan pora bhi dusera karne koribi; kilemane eitu he kanoon aru bhavobadi khan laga kotha ase.

Kilemane kontu raasta huru ase eitu kosto raasta ase aru heitu raasta te jivon ase, aru olop manuh he eitu raasta te jai.

“Huru raasta te he jabi; kilemane kontu dangor aru khula raasta ase, aru sosta ase heitu raasta tu nosto kori diya raasta ase, aru besi manuh he eitu raasta te jai.

Tetiya, jodi tumikhan beya holebhi, nijor bacha khan ke bhall upohar dibole jane, kiman bhi bhall tumar sorgot te thaka Pitri pora Tar ke manga khan ke nadibo!

“Bichar nakoribi, tetiya hole tumikhan ke bhi bichar nakoribo. Kilemane keneka tumikhan pora bichar kori ase, eneka he tumikhan ke bhi bichar koribo, aru ki palah pora tumikhan he jukhi ase eitu pora he tumikhan ke bhi jukhi dibo.

Aru kon manuh pora moi laga kotha eitu khan huni ase aru palon nakore, eitu okora manuh ekjon, kon he ballu uporte ghor bonaise, eitu nisna hobo.

Kile tumikhan nijor kokai-bhai laga soku te moila thaka tu he sai thake, kintu tumikhan nijor laga soku te dangor khuri tu hisap bhi nai? Nahole keneka tumi laga kokai-bhai ke kobo, ‘tumi laga soku pora moi moila tu phelai dibo,’ kintu tumi nijor soku te tu hole dangor khuri ase?

“Galad bhavobadi khan nimite hushier hobi, kon he tumar usor te mer nisna pindhi kene ahhe, kintu asol tu hole rang-kukur khan ase. Taikhan laga phol pora taikhan tu kon ase eitu jani lobo. Katta gos pora angur phol pabo neki, nahole katta thaka ghans pora dimoru phol pabo neki?

Eitu nisna, bhall gos sob pora bhall phol dhore, kintu beya gos pora beya phol dhore.

Bhall gos te beya phol dhoribo napare, nahole beya gos pora bhall phol dhoribo napare.

Ki gos pora bhall phol nadhore, eitu kati kene jui te jolai dibo.