Popular Bible Verses from LUKE 6

Share

di dibi aru tumikhan ke bhi dibo. Bhall pora dabai kene jukhibi aru bhorta hoi kene dibi, aru eitu nisna madad kora tu tumikhan logot te wapas ahhi jabo. Kilemane keneka tumikhan pora jukhi kene di ase, eitu nisna he tumikhan ke bhi jukhi dibo.”

Bhall manuh he tar laga bhall mon pora bhall bostu ulai diye, aru beya manuh he tar mon te bhorta kori thaka beya pora beya bostu ulai diye; kilemane ki pora mon bhorta ase, eitu he mukh pora ulai diye.

Kintu dushman khan ke prem koribi aru ghurai pabole eku bhabna nakori kene bhall kam koribi; aru tumikhan laga inam dangor hobo, aru tumikhan ke mahan laga putro khan eneka matibo; kilemane dhanyabad dibo najana manuh aru paapi khan sob upor te Tar pora doya dekhai di ase.

Eitu nimite tumar Pitri keneka doyalu ase, eneka he tumikhan bhi doyalu hobi.

“Dusera ke bichar nakoribi, tetiya tumikhan ke bhi bichar nakoribo; dusera ke ninda nakoribi, tetiya tumikhan ke bhi ninda nakoribo; dusera ke khyama koribi, tetiya tumikhan ke bhi khyama koribo

“Kintu kon he huni ase tumikhan ke moi koi ase, tumikhan laga dushman ke prem koribi aru kon he ghin kore, taikhan ke bhall kam koribi, tumikhan ke haun diya khan ke ashish dibi, aru tumikhan ke beya kotha kua khan karne prathana koribi.

Aru keneka dusera manuh pora korile tumikhan pora bhall pai, eneka he tumikhan pora bhi dusera karne koribi.

Kon he tumar daina gal te thapor mare, dusera phale bhi maribole dibi; aru kon he tumikhan laga upor pindha kapoor loi jai eitu narukhabi, kintu kamis bhi lobole dibi. Tumikhan ke kon pora mangi ase, sob ke di dibi; aru kon he tumikhan laga saman loi jai ase, ghurai namangibi.

“Kilemane bhall gos te beya phol nadhoribo, nahole beya gos te bhall phol nadhore

Kilemane ekta gos tu eitu laga phol pora janibo. Kilemane katta gos pora dimoru phol napai, nahole jungol laga ghans pora angur phol napai.