Popular Bible Verses from Rom 12

Share

తమ్ ఏ జగేర్ మలాజేన పక్డన్ నచాలజూఁ, ఆచ్చోన్, సమోరన్, భర్పూర్ వేన్ ఛజకొ దేవేర్ ఖాతర్ కాఁయిఁ ఛకో ఫర్చోకరన్, మాలమ్ కర్లోజుఁ, తమార్ మన్ బద్లాలేన్ నవొ రూప్ పాలో.

జేతి భాయిబందో, పవిత్తరన్, దేవేర్ ఖాతరేర్ నైఁ, తమ్ జీవన్ రేన్ భోకణేర్నాఁయిఁ తమార్ జీవ్డాన ఓన అర్పణ్ కార్లోకన్ దేవేర్ ప్రేమేన పక్డన్ తమేన నోరా కర్రోంచుఁ. హనూకరోజకో సేవా తమేన ఆచ్చో వేన్ రచ.

నిరీక్షణేతి రేన్ ఖుషీ కర్తే, భావేటిమా ధీరేతి ఖమ్లేన్, ఘట్ మనేతి అరజ్ కర్తేరో.

కీడేతీ జీత్ పావస్ నజుఁ, భలాయి కరన్ కీడేన జీత్ల.

ప్రేమేర్ కార్ణే భాయిబందేర్ నైఁ, ఏకీతీ ఏక్ భళన్ రో. మోట్ పణేర్ బారేమా ఏకేన ఏక్ మోట్ పణ్ దో.

తమార్ ప్రేమా కపట్ ఛేనిజు రేణో. ఖరాపేన ఛోడన్ ఆచ్చేన డైఁ కరన్ రో.

రేన బణతో తామేన వంగావ జత్రా, సే మన్క్యాఁ వూతీ సమాధానేతి రో.

మార్ ప్రేమేర్ భాయియో, తమార్మా తమజ్ రీస్ ఫేల్డో మత్, దేవేర్ రీసేన జాగ్ దో, రీస్ ఫేడేరో మారో కామ్, మజ్ ఉందూన సజార్ ఫళ్ దూంచుఁ కన్ ప్రభూ కేరోచ కన్, లకన్ ఛ.

కామ్ కరేర్వడీ వంగ్దేనీ జేర్నాఁయిఁ మత్ రో, ఆత్మమా హుషారేతీ రేన్, దేవేర్ సేవా కరో.

ఓర్ ఊజ్ కేలేన ఛాజజేతీ జాదా నకేలజుఁ, దేవ్ ఏకేకేన హాఁసో పాడన్ దీనోజే విశ్వాసేర్ మాపేన పక్డన్, ఊ ఆచ్చో అక్కల్దారేర్ నైఁ రేన ఛాజజూఁ ఓన ఊజ్ కేలేణో కన్, దేవ్ మన దీనోజే కృపార్వడీతి తమార్ మా ఛజే హర్యేకేన కేరోఁచుఁ.

కీడ్ కరజేన ఫరన్ కేని సదా హటో కీడ్ మత్ కరో. సోగ్ళీ మన్క్యావూఁర్ నంజ్రేమా ఆచో కరేర్వడీజ్ సోంచ్ కరో.

మోట్పణేర్వడీ మన్ మత్ రకాడో. కమ్ ఛజేర్వడీజ్ దల్ రకాడో, తమార్మా తమజ్, హమ్ అక్కల్దార్ ఛాఁ కన్ కేలోమత్.

జేతి తార్ దుష్మణ్ భుకో రతో ఓన ఖొరాకి ఘాల్. తర్సో రతో పాణి ద. హనూ కరస్ జనా ఓర్ మాతేపర్ ఆంగారేర్ భోబర్ ఠలాయేచీ.

తమేన భావేటి పాడజేన ఆశీజ్ దో. ఆశీజ్ దేణోపణ్ సరాప్ దోమత్. ఖుషీ కరేవాళూఁతీ ఖుషీ కరో, రోయేవాళూఁ తీ భళన్ రోవో. ఏకీతీ ఏక్ మన్ భళన్ రో.

పవిత్తర్ జనేర్ జరూరతేమా మదత్ కర్తే, అతిథీర్ సత్కార్ కరో.

ఏక్ జీవ్డామా అపణేన కత్రాయికో భాగ్ ఛతోయి సదా, ఏ జీవ్డార్ భాగేవున సేన ఏక్కజ్ కామ్ కూఁ రేనీకో, హన్నూజ్ కత్రాయికో ఛాఁ జకో ఆపణ్ సే, క్రీస్తూమా ఏక్ జీవ్డార్ నైఁ రేన్, ఏకేన ఏక్ జీవ్డార్ భాగేర్ నైఁ ఛాఁ.