Popular Bible Verses from మత్తయీర్ ఆచ్ ఖబర్ 15

Share

మూండే మాఁయిఁతీ బార ఆవజకో దల్లే మాఁయిఁతీ ఆవచ. ఈజ్ ఆద్మీన పాపేమా పటక్దచ కన్ తమ్ మాలమ్ కర్లోని కాఁయిఁ? ఖరాప్ మాళా, నరేర్ హత్యా, వడాళో, ఛనాళో, చోరీ, లబారి గవాయి, దేవేన గాళి దేరో, దల్లే మాఁయితీజ్ ఆవచ కొని క?

మూండేమా జావజకో, ఆద్మీన అపవిత్తర్ కరేని పణ్ మూండేమాఁయిఁతీ ఆవజకోజ్, ఆద్మీన అపవిత్తర్ కరచ కన్ ఉందేన కో.

- ఏ జన్ ఉందేర్ హోటేతి మన శరావచ; పణ్ ఉందేర్ దల్ మాతీ ఘణ్ దూర్ ఛ. మన్క్యా కీదేజకో నియమ్ దేవేర్ ఉపదేష్ కన్ బోధా కర్తె, ఓ మన ఠాలో ఆరాధన కర్రేచ కన్ యెషయా తమార్ కార్ణే కోజకో వాత్ సమోరజ్ కన్ ఉందేతి కేన్.

జేర్వాస యేసు - యాడీ, తార్ విశ్వాస్ మోటో; తూఁ కూంత్రీజకో తోన వేజావచ కన్ ఓన కో. ఓ ఘడీ మాజ్ ఓర్ బేటి ఆచ్ వేగీ.

హను వతీ ఊ ఆన్ ఓన ధోక్దేన్ - ప్రభూ, మన మదత్ కర్ కన్ పూచీ జేర్వాస ఊ - ఛచ్యాబరేర్ బాటీ లేలేన్ కొత్రీ కొత్రాన ఘాలేర్ ఆచొకోని కన్ కేతేఖమ్ ఊ - సాసీజ్ ప్రభూ, కోత్రీకొత్రా సదా ఉందేర్ మాలకేర్ తక్తా ఉంపరేతీ పడజకో బాటీర్ టొక్డా ఖావచ కొని కాఁయిఁ? కన్ కీ.