Popular Bible Verses from Tito 1

Share

Liꞌibeei rnibeei nú nuꞌlu beei Diose, pero scua tucu nú nehuañi beei rlubeꞌ nú lia rnibeei nucuaꞌ. Nu chiquiꞌ necha rriꞌibeei, nu nziti beei, nu la riꞌibeei niꞌtucu beenú neca nzeꞌca.

Bee bene enu la nchiñi nú necha neca elliebacuꞌ nchiñitsia nú neca nzeꞌca elliebacuꞌlla. Pero bee bene enu rriꞌitsia elliebacuꞌ nú la zibiꞌ cuna bee bene enu lachili arquiꞌ Jesucristo, niꞌ lleꞌna elliebacuꞌ nzeꞌca la riꞌi beei, xne leca nú neca nzeꞌca lluca equie beei, puro elliebacuꞌ nú necha neca nchiñi lluca equie beei.

Rquiꞌña nú la tsanaꞌ arquiꞌlla bedichiaꞌ nú neli neca nú ungalla para nú acalla zeteꞌlla bee bene bedichiaꞌ nzeꞌca quieꞌ, nu para nú lubeꞌlla lubee bene enu rriꞌi cundra Stichiaꞌ Diose nú neli neca.

Xne bee bene enu rluꞌcu elurnibiyaꞌ lubee beneꞌ Jesucristo, liꞌilla nuyaꞌ cuendalla lunú neca cuendaꞌ Diose, enzeꞌe rquiꞌña nú huañilla tucu nú rialane, nu la yala nú acalla bene enu la yuꞌ resuna, nu la acalla enu rlee, nu la acalla uniqui, nu la acalla bene xuu, nu la acalla enu rlaꞌna nú riꞌitsia ana dimiꞌ bee bene. Rquiꞌña nú acalla enu siempre nuꞌ arquiꞌ nú deteꞌ elu yaꞌna bee bene niꞌlla, nu acalla enu riuꞌtsia arquiꞌ riꞌi nú neca nzeꞌca, nu acalla enu rriꞌitsia puro elliebacuꞌ nú sibiꞌ, nu acalla tucu bene nzeꞌca, nu huañilla sin dula lu Diose nu ante bee bene, nu la nehuañilla tucu nú niarquiꞌtsialla.

Chenu cañilu bee bene cuaꞌ, rquiꞌña nú necalla tucu bene enu nehuañi tucu nú rialane para nú lecati zeꞌta liꞌilla, cuna nú nechialla tucutsia unaꞌalla, cuna nú nzeli arquiꞌ bee enduꞌlla Jesucristo, cuna nú nuꞌlu bee bene bee enduꞌlla nú la nehuañi beei tucu nú niarquiꞌtsia beei, nu la nziti beei.