Popular Bible Verses from Apocalipsis 14

Share

Che ubenea tucu chi enu uni lua enza liñibe, nu uni: ―Uquieꞌe nú nia lulu: “Desde nee nza nzeꞌcae lu cuendaꞌ bee bene enu unguti nu uyali arquiꞌ Jesucristo.” Che uni Espíritu Santo, neli nucuaꞌ, xne nze tsulachila beella equie nú nehuana ulleꞌca beella, xne ye lunú neca nzeꞌca uriꞌibeella rluꞌcu cuenda Diose.

Enzeꞌe bee enu neca bee beneꞌ Diose bee enu sucuꞌ stichiaꞌnu nu nzeli arquiꞌ Jesucristo. Rquiꞌña nú riquiꞌ beella lunú xi seca beella.

Nu che chiquiꞌ fuerte uni ángele zeꞌe: ―Ulliquihua Diose, nu uniꞌhua bedichiaꞌ nzeꞌca lunu, xne uriñala hora nú hualunue lu cuendaꞌ bee bene. Uluꞌcuhua ulaꞌna lu enu urecheꞌ iliulabe, liñibe, inzatuꞌ nu elu rliñi bee inza.

Che chu nzenala stucu ángele rriuna enu fuerte uni: ―Tunu nuꞌ tá tucu bene cha luꞌcu ulaꞌna lu monstruo cuaꞌ nu lu imagenꞌí nu zela nú quie señaꞌí tequiee urre ya, bene zeꞌe deteꞌ Diose castiya nú chiquiꞌ fuerte, nu chiquiꞌ nehuana zecalla luquii, nu lu azufre ante lubee ángeleꞌ Diose nu ante lu Corderoꞌ Diose. Nu leca xunga yala quii elu nehuana zeca bee bene. Nu niꞌ bichia nu niꞌ rulaꞌ la tsulachi bee bene enu luꞌcu ulaꞌna lu monstruo nu lu imagenꞌí enu quiee señaꞌí tequiee.

Leꞌca ulañia nú nzu Corderoꞌ Diose equie dañi nú lee Sión. Liꞌinu nzununu ciento cuarenta y cuatro mil bee bene, nu yebeella nequie nombreꞌ Cordero cuaꞌ nu cuna nombreꞌ Paꞌnu tequie beella.

Che ulañia stucu ángele enu rcuecuꞌ enza liñibe nuyaꞌ bedichiaꞌ nzeꞌca nú leca xunga laxu, para nú ixiuleꞌenue lu ye bee bene enu nucuaꞌa luyuu iliulabe, nu lecaxi riꞌi tunu xi dialu rni beella, nu xi familia neca beella, nu xi eyeche enta beella nu xi nación enta beella.

Nu che uni stucu ángele zeꞌe: ―Unitilula, unitilula eyeche llene Babilonia xne xi neca chenu rduꞌ niqui bee bene saꞌ bene, scua uzequienu eyeche llenecuaꞌ ye bee bene iliulabe para nú riꞌibeei ye clasiaꞌ eluhuexe.