Popular Bible Verses from 1 Tesalonicenses 5

Share

Ñia tsu arquiꞌhua diqui nú nehuañihua. Nu yee yeꞌe naꞌcuhua lu Diose. Deꞌtehua cheꞌtsa lu Diose equie cuendaꞌ yeene, xne scua riuꞌ arquiꞌ Diose nú riꞌihua, liꞌihua enu neca bee beneꞌ Jesucristo.

Nu Paꞌahua Diose enu rriꞌi nú nzuxe arquiaꞌahua riꞌinu elietsa luhua para nú lecali xi na arquiꞌhua ante lunu. Nu liꞌinu acanuꞌnu liꞌihua, cuna espírituꞌhua, cuna diqui lunú necahua para nú lecali xi nahua bichia chenu riña zeca Jesucristo enu rnibiyaꞌ luaꞌahua. Nu Diose riꞌi scua, xne liꞌinu enu rixia liaꞌahua para nú necaꞌahua beneꞌnu, neli saꞌalunu stichiaꞌnu.

Ubiꞌyahua nú la riꞌihua nú nechá neca lu bee bene enu rriꞌi nú nechá neca luhua, mejora aca nzeꞌcahua lu bee saꞌhua cuna lu ye bee bene.

Enzeꞌe uduꞌhua ana arquiꞌ saꞌhua nu uriꞌihua elietsa lu saꞌhua para nú másela nzeriꞌiláhua beyaꞌ lunú rriꞌilahua.

Leꞌca nacuꞌru luhua bee saꞌa enu nzeli arquiaꞌahua Jesucristo nú quiꞌyaꞌhua bee bene enu nebichiu nu uduꞌhua ana arquiꞌ bee bene enu rlacaquié lu Stichiaꞌ Diose nu uriꞌihua elietsa lu bee bene enu lascaꞌ tsutaꞌ arquiꞌ lu Stichiaꞌ Diose, nu utsuquie arquiꞌhua ye beella.

Xne né bixia Diose liaꞌahua para nú liquiꞌnu castiya luaꞌahua, sino que ubixianu liaꞌahua para nú tsilaꞌahua equie cuendaꞌ Jesucristo enu rnibiyaꞌ luaꞌahua.

Xne yehua nzequielahua ellieꞌ Diose, yehua nzenalahua inziuꞌnu. La chenalaꞌahua inziu nú necabe nzu, nu leꞌca la chenalaꞌahua inziu nú nechá neca.