Popular Bible Verses from 1 Pedro 3

Share

sino que uluꞌcuhua ulaꞌna nu uzuꞌcuꞌluhua lunú rni Jesucristo. Utsutsiñahua para nú cuaquihua lubee bene enu rnidichiaꞌ luhua equie cuendaꞌ nú nzeli arquiꞌhua Jesucristo, pero ucuaqui nzeꞌcahua cuna bedichiaꞌ nzeꞌca lubeei. Uhuañi nzeꞌcahua para nu acahee nu la nchiñi nú necha neca elliebacuꞌhua para nú tuꞌ bee bene enu seꞌta liꞌihua equie nú nzeli arquiꞌhua Jesucristo, cuna nú nehuañihua tucu nu rialane.

Xne rriucu Paꞌahua Diose bee bene enu neli rriꞌi tucu nú niarquiꞌnu, nu rriꞌi casonu stichiaꞌ beella chenu rnacuꞌ beella lunu, pero rleenu lubee bene enu rriꞌi nú necha neca.

Equie nú sucheꞌhua la dete xeꞌtaꞌhua, la tsucheꞌ xeꞌtaꞌhua equiehua, nu la riꞌitsiahua elliebacuꞌ nú quiꞌñahua puro nú neca bee oro urre utuhua puro laquie nú huaxi seca. Mejora ucuaꞌnahua nú aca nzeꞌca arquiꞌhua lu Diose cuna nu aca nzeꞌcahua nu aca lleꞌna arquiꞌhua bee nucuaꞌ leca bichia nú nitilu, xne nucuaꞌ neca nú máse seca lu Diose.

Xne lu ichiꞌ Stichiaꞌ Diose rni: Enu niarquiꞌ nú huañi nzeꞌca cuna nu ñia neca, rquiꞌña nú biꞌyalla nú la nilla bedichiaꞌ nu necha neca cuna nú la nilla eluquichiaꞌ. Rquiꞌña nu tsanaꞌ arquiꞌlla beenú necha neca, nú riꞌilla nú neca nzeꞌca, nu cuaꞌnalla nú huañi nzeꞌcalla cuna bee saꞌlla nu chequieella nú huañilla scua.

Enzeꞌe nia luhua nee, uhuañi nzeꞌca yehua cuna bee saꞌhua aca tucu necatsehua, nu uriꞌihua tucutsia elliebacuꞌ, uzecahua bee saꞌhua xi neca bichihua. Aca nzeꞌcahua nu aca lleꞌna arquiꞌhua. La guseꞌehua tucu nú necha neca uriꞌinu bee bene liꞌihua, nu la quiexuhua bee bene enu rquiexu liꞌihua. Aꞌla unacuꞌhua lu Diose para nú riꞌinu elietsa lubeei, xne para enzeꞌe ucañi Diose liꞌihua para nu rialahua elietsa nu rliquinu.

Lecati riꞌi nu necha neca luhua, tunu rcuaꞌnahua nú riꞌihua lunú neca nzeꞌca.

Rquiꞌña nu tsanaꞌ arquiꞌlla beenú necha neca, nú riꞌilla nú neca nzeꞌca, nu cuaꞌnalla nú huañi nzeꞌcalla cuna bee saꞌlla nu chequieella nú huañilla scua.

Xne máse neca nzeꞌca tunu nehuana zeca bene equie nú rriꞌilla nú neca nzeꞌca tunu tsanaꞌ Diose nu acane scua, luhuare nú nehuana zecalla equie nu rriꞌilla nú necha neca.