Popular Bible Verses from Mako 9

Share

OYesu nʼamwiramu ati, “Okobere, ‘Niwaabba okusobola?’ Manya nti byona bisoboka omuntu nabba nʼokwikiriza.”

Amangu ago oite wa mwojo nʼairamu nʼeiraka eryanguki nti, “Nkwikiriza, baitu njuna sebo okwikiriza kwange kuweemu okugulucaguluca.”

Oluzwannyuma, oYesu niyaingiire omu nyumba, abeegesebwa baamwe ni bamubuulya, “Iswe lwaki tutaasoboire kugumupekaku?” Ye nʼabairamu ati, “Ndoowo kindi kyemusobola kupekesya muzumu gwa ngeri gini oku muntu, okutoolaku okusaba.”

Omuunyu gwa mugaso, baitu nigujungulukuka, musobola mutyai okugwiryamu obuka bwagwo? Mubbe nʼomuunyu omu ngeso zaanywe, era mubbe bumwei.”

“Buli atangiira omwana omuto nkʼoni oku lwange, abba atangiriire ninje. Yete buli antangiira, abba tatangiriire nje, baitu abba atangiriire oyo eyantumire.”

Kambakobere amananu; buli abaweerya olutayo lwʼamaizi okunywa, olwa kubba muli ba Kurisito, mananu alifuna empeera yaamwe.

“Omuntu nakolesya omwei oku bato bani abannyikiriza ekibbi, ekyakusingire obusai nikwo okumubbwa eibbaale eriremeeri omu bica, anagwe omu nyanja.

Oba eriiso ryamu nirikukolesya ekibbi, riiyemu. Akiri oingire omu Bukama bwa Kanca noli wa riiso rimwei, okukira nosigalya amaiso gombi, baitu nʼonagwa omu Geyeena