Popular Bible Verses from Mako 2

Share

OYesu niyawuliire kyebakubuulya, ye omwenyenere nʼabairamu ati, “Aboomi tibataka musawu, abalwaire nibo bamutaka. Abaikiiri ti nibo naizire okweta, naizire kweta basiisi.”

OYesu niyaboine nga balina okwikiriza, nʼakoba asaraire ati, “Mwana wange, ebibbi byamu bikusaasiirwe.”

Awo oYesu nʼakoba aBafarisaayo abo ati, “Ekiro kya Sabbiiti kyatairwewo lwa busai bwa muntu, baitu omuntu Sabbiiti.

Nibaalemerwe okumwica awali oYesu, olwa bwingi bwʼabantu, ni boowa ekitundu kya lukanga lwa nyumba oYesu mweyaali, ni baakalya omulwaire oyo omu kiwulu ekyo, nabbasirye oku kaara kwebaamuleeteire.

Ati buni muleke mbalange nti oMwana wa Muntu alina obuyinza oku nsi okusaasira ebibbi.” Awo nʼakoba asaraire ati, “Yemeera. Weetiike akaara kaamu, oireyo e waanywe.”

Ekikusingaku obwangu nikyo kiri ayi, okukoba asaraire nti, ‘Ebibbi byamu mbikusaasiire,’ oba nti, ‘Yemeera weetiike akaara kaamu, otambule?’

Amangu ago omusaiza nʼayemeera, boona boona nibakubona. Nʼaimula akaara kaamwe nʼawuluka boona boona nibarolereire. Ni bawuniikiira ni bawaisya oKanca, ni bakoba bati, “Kini titukibonangaku!”