Popular Bible Verses from Mako 14

Share

Era nʼakoba ati, “Taata, egyoli buli kintu kisoboka, niwaabba nosiimire ntoolaku ekikopo ekya kubonaabona kini, ti mu kwendya kwange, baitu kyokwendya nikyo kikolebwe.”

Mubonie era musabe oKanca, muleke kwoyeerwa. Omwoyo gukwendya, baitu omubiri gunaki.”

Era kambakobere mananu, woona woona omu nsi Amawuro Agasai gyegaalibuulirwa abantu, na kini omukali oni kyakoore, kiribazibwaku okumwizukira.”

Nʼakoba ati, “Omwoyo gwange gwizwire obujune obukusobola nʼokunyita! Musigale ani nimukubonia.”

Awo oYesu nʼabeegesebwa baamwe nibaali bakulya, oYesu nʼarola omugaati, ni yeebalya oKanca, nʼaguyendayenda nʼabaweerya, nʼabakoba ati, “Mutoole mulye, guni nigwo mubiri gwange.”

Nʼaira nʼakwata ekikopo, era niyamaare okwebalya oKanca nʼabaweerya boona boona ni banywa, nʼabakoba ati, “Guni nigwo omusaayi gwange ogwasenseka oku lwa baingi, era ogukukakatya endagaano egiyaaka ekoleibwe oKanca.

Awo oYesu nʼakoba abeegesebwa baamwe ati, “Nywena nywena mukwiza kwiruka mundekewo, kubba kyawandiikiibwe kiti, ‘Ndiita omuliisya, entaama zirarange.’

Mwimuke twabe, kubba omuntu andiiraine ali ampi okwika.”

OYesu nʼamwiramu ati, “Kankukobere amananu, Ekiro kya leero onkoko niyaabba atakakookere kabiri, waneegaana emirundi esatu.”