Popular Bible Verses from Luka 3

Share

Khanu avanju vosi olu vali nivamalire okhuvatiswa, nolu Yesu yesi kali ni kakhavatiswa ne kali asala, ekulu liekukha, ne Roho Muchwenufu kamwikhira muva liamburuku, nomwoyo kwawulirikha okhuchula mwikulu, “Ewe niwe Omwana wange omusime.”

Yohana kavachipa vosi, “Ese vavatisa mumachi, nausa oyo omukali okhumbicha alikho kacha oyu njenyekha ngangulule esiya chieviracho vivie tawe, niye achia okhuvavatisa nende Roho Muchwenufu nomuliro.

Yekese amatunda kekesa mbo mwikaniye, muchanja okhwewolera, ‘Khuli nende Abrahamu nga papa wefwe,’ sikira vawolera, Nyasaye anyala okhulomba olwiwulo lwa Abrahamu okhuchula khumakina kano.

Ne ata evise vino eaywa yiri musisikha siemisala, wuli musala kuchama amatunda malayi kuchemwa nokhusukunwa mumuliro.”

Nga liaandikwa musitau sia nabii Isaya, “Omwoyo kulangirisa musichimi, lombe engira ya Omwami, Kololose engira yiye. Amatoma kosi kachia okhukingulwa, siawuli sikulu nende esiiri sichia okhwiswa aasi, Eyekota yichia okhukololokha, Embalafu yichia okhuva engwalafu; Avanju vosi vachia okhuwona owuwonia wa Nyasaye.”