Popular Bible Verses from Luka 14

Share

“Niyiva mbo omunju kacha khwise ne sikaleka papa wuwe nende mayi nende omukhasi nende avana nende avawandaye avasoliri nende avakhana, yee, ata nende owulamu wuwe omwene, sianyala okhuva omulondi wange ta.

Oyo ochanyala okhuwukula omusalaba kukwe ne kanonde, sianyala okhuva omulondi wange ta.

Siawuli mulala owekingula omwene achia okhututuywa, naye owetutuya achia okhukingulwa.”

Khanu khu kachio, awumao khwinywe onyala okhuva omulondi wange nachalekhuye viosi eviali navio ta.

“Njanu khwinywe owenya okhwombakha ekorofa, nachekhala aasi kakhupa esawu, awone mbo ali nesende chierire okhuyimala? Nikachali kachio, nikakhalomba omuse, ne sianyala okhumala ta, vosi avayiwona vanja okhumuchekherera, nivawola, ‘Omunju ono kanja okhwombakha, ne sianyala okhumala ta.’

Nausa nulomba omuyimo, yingisa avamanani, avatachaala, avaleme, nende avaofu. Newe ochia okhunyola ekhavi, sikira sivanyala okhukhuchunga ta. Onakhachungwe mukhusisimukha khwavalungi.”

“Chumbe ndayi, nausa niva chumbe yichalala, yinyala okhukoolamo echamu yichie? Siyiri endayi khwilova namwe esiwutikha siamasingo ta, avanju vamala vayitupe era. Oli namachwi kokhuwulira, lekha awulire.”