Popular Bible Verses from Tito 3

Share

Ne olwa eshisa shiaNyasaye Omuhonia weefwe shialolekha, nende obuheelibwe khubandu, yakhuhonia; ne shikhwali khulwa ebikhole biobulunjishi ebia ifwe khwakhola ta, habula tsimbabasitsie shinga olwa tsili, munjila yokhwosibwa khwobwibulwi obuyia, nokhukholwa abayia nende Roho Omutakatifu. Yakhusundulila busundula Roho omwenoyo, khulwa Yesu Kristo Omuhonia weefwe; mbu nikhubasiliibwe obulunjishi khulwa obukoosiabwe, mukhunaaya khukholwe abobulaame bobulamu bwobumeli.

Obeetsusinjie okhwongolelanga abaruchi nende abobunyali, nokhubahulila, nibeerecheshela buli mulimo omulayi; oburatoola omundu yesi, kata okhusoolananga ta; okhuba nbeshisa, nibaba abaholo khubandu bosi.

Ne wihaanye amareebano amasilusilu, naketsinzibulo, nobusoolo namayingano khukamalako; shichila ako kabula inganga kata eshisina ta.

Omundu ouleeranga obukabukhani, omuchesiyie lulala, khandi olwakhabili, mana omuleshe