Popular Bible Verses from Tsinjelo 3

Share

Wisiichenje OMWAMI nomwoyokwo kwosi, noreesetamia khukhumanyilisiakhwo omwene tawe. Omwiyame munjilatsio tsiosi, naye alalunjisia emihandachio.

Oraba omuchesi mumonitsio omwene tawe; ria OMWAMI, wihaanye obubii.

Heelesia OMWAMI oluyali khumianduchio, khandi nende khubirongole biebiamobio biosi. Nolwa ebiachibio bileetsulamwo ebinji, khandi mutsineemotsio idivai indoro yileetsulamwo niyisundukha hasi.

Eshisa nobwatoto birakhurulakhwo tawe; obibohe mwikosilio; obihandiiche khukhabaho khomwoyokwo.

Mwana wanje, obuchesiyi bwOMWAMI buleshe okhukhusinya, kata orachoonyela obuloshelibwe tawe; okhuba owa OMWAMI aheelanga, amuhalabilanga, shinga olwa samwana akholelanga omusianiwe owa achamanga.

Mwana wanje, oreebilila ameebaalo kanje ta; habula omwoyokwo kulindenje amalako kanje; okhuba kalakhumeeta tsindaalo tsinyinji, nende obuyindifu, nende oburabaale.

Noweikhabi omundu ounyoola obuchesi, khandi omundu ounyoola okhumanyilisia. Okhuba obukhala bwabwo nobulayi okhushila obukhala bweifeetsa, ne inganga yabwo neindayi okhushila itsahaabu inzele. Bushila tsinyuma tsinzakhanyu; mubindu biosi ebia wakheekomba shishiliho eshiokhuhelanibwa ninabwo tawe.

Orabeema abandu amalayi akabakwanile, olwa oba noli ounyala okhukakhola.

Nende obuchesi OMWAMI yakhupa omuse kweshialo; yakasia likulu nende okhumanyilisia.