Popular Bible Verses from Luka 22

Share

naboola mbu Papa, noba nochama, umbiniekhwo eshikombe shino; nebutswa kareekhola akokhwenya khwanje ta, habula akokhukhwo.

nebutswa isie ekhusaayiile iwe, mbu obusuubilibwo buleshe okhwakama; nawe olwa olaba niwikalukhasiye, tinyia abashio.

Mana nabukula omukaate, ne nnmalile okhukhupa Orio, yakusonyola, nabaheelesia, nasunga ari Kuno nomubili kwanje okuhaanwa khulweenywe; mukholenje murio nimunzitsulila.

Eshikombe shiosi ario, olwa bali nibamalile okhulia, nasunga mbu Eshikombe shino neIndakano imbia mumabanga kanje, akeebeenela inywe.

Naye, olwa yali mumatinyu yameeta okhusaaya muno; oluchesilwe nalwo nilufwana shinga ebiroonyelesi ebikhongo biamatsayi niluroonyanga hasi.

Ne inywe shimulaba murio ta; nebutswa ouli omukhongo mwinywe, yeekhole shinga omutuutu; nouli omukhulundu, shinga oukhalabana.

Naye nasunga ari Petero, ekhuboolela mbu itaywa shiyilalakula inyanga yino ta, okhuula olwa olaba niwiyambakhaane okhuula khataru mbu shiumanyile tawe.