Popular Bible Verses from Luka 17

Share

Namusunjila ari Buukha, otsie butsia; obusuubilibwo bukhuhoniye.

Ne naba nakhwonoonela okhuula musaafu khunyanga ndala nakhukalushila okhuula musaafu, naboolanga ari Ndikalukhasiye; olamuleshelanga.

Mana mulala khubo, olwa yalola shinga olwa ahoniibwe, yakalukha, namwitsoomia Nyasaye nomwoyo omukhongo; niyeekhupa mafumama hamakuluke, namukhupila orio; ne yali omuSamaria.

Mwirecheshe; omusiani weenywe naba niyoonoona, omukondeshele; ne naba niyeekalukhasia, omuleshele.

Mana Yesu nakalusia ari Shibasiiyilwe bosi ekhumi ta? Nabo shienda bali heena?

Naye Omwami nakalusia ari Nimuba nimuli nende obusuubili shinga imoni ndala yolufwa Iwelisaatsi, mwakhaboolela omukhuyu kuno mbu Siulikha, wiraache munyanza; nakwo kwakhamuhulila.

Omundu yesi oukhaaba okhunyoola obulamubwe, alabukosia; ne omundu yesi oulabukosia obulamubwe alabulinda bulayi.

Nababoolela abeechibe ari Shilinyalikha ebiisichirasio okhuchweya okhwitsa ta; nebutswa woowe khumwenoyo ouchila nibiitsa! Bwakhaba bulayi khuye oluchina lwabohwa mwikosilie, nasukunwa munyanza ario, okhushila mbu yeesichirasie khalala khurutuutu runo.

Ne shinga olwa keekhola mundaalo tsiaNoa, nolwa kaliba kario mundaalo tsiOmwana wOmundu. Baliitsanga, banyweetsanga, bateeshinjia, bateeshibungwa, okhuula khunyanga eyo olwa Noa yeenjila musafina, omuyembo nikuula nikubahesia bosi pe.