Popular Bible Verses from Yohana 12

Share

Omundu yesi naba niyakhalabanila, yanondekhwo; mana ewa endi isie, habwenaho omukhalabani wanje yesi alabaho; omundu yesi naba niyakhalabanila, Papa alamuheelesia oluyali.

Ouheela obulamubwe, abukosia; ne ouchwang'a obulamubwe mushialo shino, alabeetsanga ninabwo okhuula khubulamu bwobumeli.

Toto mwene, emusunjila mbu imwo yeingano niyiralakakha mwiloba nende okhufwa ta, yimenyanga eyene yonyene; ne niyiba niyifwa, yiibula ebiamo ebinji.

Isie ndeetsa embe obulafu mushialo, mbu omundu yesi ousuubilila aleshenje okhumenya mushiilima.

Ne omundu yesi naba nahulila amasungo kanje narakakhola ta, isie shimuyaasia ta; okhuba shindayeetsa okhuyaasia eshialo ta habula okhuhonia eshialo.

Mana Mariamu nabukula iratili yamafura keshing'aari, akobukusi obutinyu, nabakha ebilenje biaYesu, niyeeya ebilenje tsana nendeliswilie; inzu yosi niyiitsulamwo eshiuya shiamafura ako.

nibabukula amasaka kemishindu, nibarula nibatsia okhumwakaanila, nibalanjisia bari Hosana; owitsa muliira liOmwami yeetsoomibwe, niye Omuruchi waIsiraeli.

Yesu nabakalusia, nasunga mbu Eshise shiulile olwa Omwana wOmundu akhoyile okhwemekhwa muluyali.