Popular Bible Verses from Isaya 25

Share

E OMWAMI, niwe Nyasaye wanje; ndalakhufumia, ndaleetsoomia eliiralio; okhuba wakholile akamakana, ameebaalo kakhale, mubwisiikwa nende obwatoto.

Omwami NYASAYE aleeyanga amasika mumoni mwabandu bosi; khandi amanyeko kabandube alakayiniaho okhurula khushialo shiosi; okhuba OMWAMI niye owaliboolile.

Ne kalasungungwa munduukho eyo, mbu Lole, Nyasaye weefwe ngwowuno; khwamulindiiliile, neniye oulakhuhonia; OMWAMI ngwowuno, khwamulindiiliile; khuleekhoya nikhusangaalila obuhoniabwe.

Mushikulu muno alarusiaho eshifuunikho eshifuuniishe tsimbia tsiosi tsiabandu, nende olububi olufuumile amahanga kosi.

Khandi mushikulu muno OMWAMI omwene mahe alabakholela abetsimbia tsiosi lisabo liebinulu, lisabo lietsidivai tsindulu, liebinulu ebiitsuulemwo obutunduli, lietsidivai tsindulu tsinzeleleshe.