Popular Bible Verses from Abagalatia 5

Share

Ne ebiamo biaRoho mbiebino; mbu obuheeli, obusangaafu, omulembe, obwifwili, eshisa, obulayi, obwisiikwa, obuholo, obwiruchi; libulaho lilako elikaania akafwana kario ta.

Nasi emboola mbu mwichendelesie muRoho, kho shimulakholanga akobwikombi bwomubili ta.

Nikhuba nikhubeetsanga mwoyo khulwa Roho, khulondanenje khurio nende Roho.

Nabo abali baKristo Yesu babambile imela yomubili khumusalaba, halala nobwilaasi nobwikombi bwayo.

Ne ebikhole biomubili biibakalanga ebulafu; biene mbiebino, mbu obuheyi, akeshifwabwi, obwilaasi, obwinamili bwebifwanani biabutswa, obufila, obusuku, obusoolo, okhukhalikha omukongo, oburima, obuyingani, obukabukhani, emiahukho, imbalikha, obumeesi, obulangu, nende akafwana kario; akeenako eranjilila okhumuboolela khale, shinga olwa ndamuboolela khale olwambeli, mbu abakholanga akafwana kario shibalilia obulaame bwobwami bwaNyasaye ta.

Shichila inywe, baana beefwe, mwalanjilwa mwalanjilwa obulekhuule; ne obulekhuule bweenywe obwo buleshe okhukwa obwiyangu bwomubili ta; habula mbu mukhalabanilanenje mubuheeli.

Shichila omubili kwikomba nikufukula Roho, naye Roho afukula omubili; shichila ebio biombi bifukulananga; mbu mana mukhaywe okhukhola aka mwenya.

Okhuba amalako kosi koosilibwa mwikhuwa elala; ndielino, mbu Omuheelenje owashio shinga olwa wiheela omwene.

Khuleshenje okhwichinjimisia butswa, nikhutsuubana, nikhutiililanwa imbalikha.

Mubulekhuule Kristo wakhulekhuula; kho musimbiile, nimurabohwa khandi mwikokolo liobusumba ta.