Popular Bible Verses from Abaefeso 5

Share

Kho mulondenje imela yaNyasaye, shinga olwa muli abaanabe abaheelwa. Muchendenje mubuheeli, shinga Kristo yesi olwa yamuheela inywe, niyeehaana omwene khulweefwe, eshihaanwa khandi omusango kweshiuya shieisiakakha indayi khuNyasaye.

Khulwako, mwirecheshe shinga olwa muchendanga, shinga abasilu ta, habula shinga abachesi. Mwikhoonyele bulayi obwiyangu obuliho, shichila tsindaalo tsino netsimbii.

Murameelanga amalwa, okhulimwo obwitaakuli, tawe; ne mwitsulenjemwo Roho. Musunganile abeene nabeene mutsitsabuli netsinyimbo nokhutselela khweshiroho, nimwimba nimukhupila Omwami obukhana mumioyo mukari. Mukhupilenje Nyasaye Seefwe orio tsindaalo tsiosi khulwa amakhuwa kosi muliira liOmwami weefwe Yesu Kristo.

Kho muraba abayingwa ta, ne mbu mumanye bulayi aka Omwami yeenya shinga olwa kali.

Inywe abasaatsa, heelenje abakhasi beenywe, shinga Kristo olwa yaheela ikanisa, niyeehaana khulwayo

shichila mwalinji eshiilima, ne bulaano muli obulafu muMwami; muchendenje shinga abaana bobulafu

Muhulilisaninjie nimuriitsanga Kristo.

Inywe abakhasi, hulilenje abasaatsa beenywe shinga olwa muhulilanga Omwami.

Nebutswa nineenywe mwesi murio muheelenje buli mundu omukhasi wuwe, shinga olwa yeeheela omwene; omukhasi yesi arekhwo omwoyo okhumuriitsanga omusaatsawe.

Niko akachila omusaatsa alalekhanga samwana nende nyina, ahambane nende omukhasiwe; nabo bombi balaba omubili mulala.

Murasanjilana nebikhole bieshiilima, ebibula inganga, ta; habula mbu mubisiikhule.