Popular Bible Verses from Omwilwatsi 9

Share

Shiosi eshia omukhonokwo kunyoola okhukhola, oshikhole namaaniko; okhuba shibulaho eshikhole, kata eshikulukunzo, kata obumanyi, kata obuchesi, eMakombe ewa otsia ta.

Khandi nindola, hasi weliuba, mbu omutiebano kwokhwilukhana shikukwa khuwetsimbilo, kata obusoolo okhukwa khuwamaani, kata ebiokhulia khumuchesi, kata emiandu khubandu abarechelefu, kata olukoosi khubasitsa ta; habula mbu induukho neikhabi bibakwilanga bosi.

Menyanga mubutsatsahafu halala nomukhasiwo owa oheelanga tsindaalo tsiosi tsiobulamubwo bwobukhaya, etsia yakhuheelesia hasi weliuba; okhuba okwo nikwo omukabokwo mubulamu, khandi mumilimochio chiosi echia onyakhanilangakhwo hasi weliuba.

Tsia ewa otsia, oliitsenje ebiliibwabio nokhwikhoya, nonywa idivaiyo nomwoyo omutsatsahafu; okhuba Nyasaye wamala okhufuchiilila ebikholebio.

Obuchesi bushila ebimanulwa lielihe; ne omwonooni mulala asishia obulayi obunji.

Amakhuwa komuchesi akahulilwa mubuholeelefu kashila okhulanjisia khwomuruchi mubayingwa.

Okhuba abali mwoyo bamanyanga mbu balifwa; nebutswa abafu shibamanyanga likhuwa liosi ta, kata shibaba namatani khandi ta; okhuba obwitsulilwi bwabwe bweebililwa.