Popular Bible Verses from Omwilwatsi 7

Share

Oraanguha okhusinyikha ta, okhuba obusinyishi bumenya mubilifu biabaymgwa.

Khunyanga yobwale, wikhoye; ne khunyanga yamatinyu, oyililisie, mbu Nyasaye niye owakhola yaka khandi nende yaka, mbu mana omundu aleshe okhunoonelesia likhuwa liosi eliakhabaho inyumawe.

Obumaliilishi bwelikhuwa bushila obuchaachilo bwalio; owaroho yobwisimilisii ashila owaroho yobwichinjimisii.

Nitoto, abulaho omundu omulunjishi khushialo oukholanga amalayi naroonoonakhwo ta.

Okhuba obuchesi neshiitetselo, shinga amapeesa olwa kali eshiitetselo; ne obulayi bwobumanyi mbwobuno, mbu bulindanga obulamu bwa oyo ouli ninabwo.

Eliira lilayi lishila amafura keshing'aari akolukoosi, khandi inyanga yokhufwa yishila inyanga eya omundu yeebulilwakhwo.

Nobulayi khumundu okhuhulila obukondeshi bwabachesi, okhushila okhuhulila olwimbo lwabayingwa.

Okhutsia munzu yamasika khushila okhutsia munzu yamasabo; okhuba okhwo nobumaliilishi bwabandu bosi; ne ouli mwoyo alachesiha.

Omwoyo kwomuchesi kuli munzu yamasika; ne emioyo chiabayingwa chili munzu yobutsatsahafu.