Popular Bible Verses from Omwilwatsi 11

Share

Iwe omusooliili, wikhoyele oluraakalwo; omwoyokwo kukhutsatsahasie mundaalo tsiolusooliililwo; ochendenje khunjila yomwoyokwo, khandi mukhulola khwetsimonitsio; nebutswa manya mbu Nyasaye alakhuyaasia khulwa amakhuwa ako kosi.

Yinia obusinyishi mumwoyokwo, norusia obubii mumubilikwo; okhuba oluraaka nende olusooliili nolukhaya.

Ouhenganga omuyeka shialaraaka ta; kata ourechelesia amaleesi shialafuna ta.

Shinga olwa oranyala okhumanya injila yomuyeka, kata akamakumba akali mulubeleshelo Iwomukhasi ouli inda, nindio shionyala okhumanya ebikhole biaNyasaye oukholanga kosi ta.

Mutsuli ohaanye imwoyo, ne mungoloobe orarusiakhwo omukhono ta; okhuba shionyala okhwahukhasia eyakhakaasa, niyakhaba yino kata eyo, ta; kata mbu haundi tsiombi tsilaba tsindayi.

Okabilenje abandu musaafu omukabo, kata munaane; shichila shiomanyile amabii akali okhwitsa khushialo ta.