Popular Bible Verses from Gyɔɔn 14

Share

N bara la maaroŋ korɔ yɛ. N korɔ yɛ la N maaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

“Yɛ ta vɛŋ ka yɛ sukyie dɔɔnɔ yɛ. Yɛ sage de Naaŋmen yɛlɛ, a sage de N meŋ yɛlɛ.

Kyɛ a yɛ Soŋnɔ, a Vooroŋ Soŋ, Ona la ka a Saa na toŋ a yɛ zie N yuori eŋɛ. O na wa wuli yɛ la yelzaa kyɛ leɛ-teɛre yɛ a yɛlɛ na zaa N naŋ da yeli ko yɛ.

Banaŋ naŋ taa a N nɔɛ kyɛ tuuro a la nɔŋ ma. Kyɛ a N Saa na nɔŋ la banaŋ naŋ nɔŋ ma, ka N meŋ nɔŋ ba kyɛ de N meŋɛ wuli ba.”

Kyɛ N na sɔre la a Saa ka O ko yɛ Soŋnɔ ka O wa be yɛ zie tegitegilɛ. Ona la a yelmeŋɛ Vooroŋ. Ona la ka a teŋɛzu deme kontoɔ̃ nyɛ bonso, ba ba nyɛrɛ O bee a baŋ O. Yɛnee eŋ baŋ O la, bonso, O kpeɛrɛ ne yɛ la, kyɛ na be yɛ poɔ.

Bonna zaa yɛ naŋ na sɔre a N yuori eŋɛ, N na e ko yɛ la ka a Saa na nyɛ puubu a Bidɔɔ zie. Ka yɛnee wa sɔre bonzaa N zie a N yuori eŋɛ, N na e ko yɛ la.”

Ka yɛnee wa nɔŋ ma, yɛ na sagra la a N nɔɛ.

A N Saa yiri poɔ deri yaga bebe la. Ka a naŋ da ba waa lɛ, yɛ teɛre ka N da na baŋ yeli ko yɛ la ka N gɛrɛ la ka N te nare zie bare yɛ be?

Ka maa wa gaa te nare a zie bare yɛ, N na leɛ wa taa yɛ la gaa ne a zie N naŋ be, ka yɛ ne ma te be a be.

Ka Tɔmaas da soore a Yeezu, “Daana, te ba baŋ a zie fo naŋ gɛrɛ. Wola ka te na e baŋ a sori naŋ gɛrɛ a be?”