Popular Bible Verses from Gyɔɔn 1

Share

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri

A piiluu saŋ, a Yelbiri da bebe la. A Yelbiri da be la Naaŋmen zie, a Yelbiri da la Naaŋmen.

A veɛloŋ da kyaane la a lige poɔ, ka a lige da ba toɔ̃ a veɛloŋ.

A Yelbiri da leɛ la nensaala, a wa zeŋ te poɔ, ka te nyɛ O puubu. Ka a O puubu te tɔgle ne a saa bidɔɔ yeni puubu, naŋ paale ne garaaseɛ ane yelmennoŋ.

O zie la ka boma zaa tu a wa bebe. Bonzaa da ba kyebe naŋ tu ziyuo wa bebe ka O yoŋ zie naane. O poɔ la ka nyɔvore da be, ka a nyɔvore da waa nensaalba zaa kyaane.

A nyaazie daare, Gyɔɔn da nyɛ la a Yeezu ka O waana o zie, ka o da yeli, “Yɛ nyɛ a Naaŋmen Pelee. Ona la na peere a andonɛɛ yelbieri bare!

O da be la a teŋɛzu. O zie la ka a tendaa tu a wa bebe kyɛ ka a tendaa noba da ba baŋ O. O da wa la O meŋɛ noba zie, kyɛ ka a O meŋɛ noba da ba sage de O yɛlɛ.

A veɛloŋ meŋɛ naŋ sereŋ waa veɛloŋ a kyaane neɛzaa da waana la a teŋɛzu.

A Naaŋmen nɔɛ sereŋ da tu la Mooziz zie wa, ka garaaseɛ ane yelmennoŋ tu a Yeezu zie wa.