Popular Bible Verses from Romanos 5

Share

Per jare Dios xuk'ut chiquch che mas kujul'oj, mal echi' kujtjin qo'j che u'anik qamak chjuch, jare Re xutaq loq Qajaw Jesucristo rech xuya rib' pkamsxik rech qawuchb'al qo'j.

Echi' ku'l qak'u'x chrij Dios, qit'am chik che qatz qtzij ku'on na su kub'ij. Kuya t chqe kqariq qak'ixb'al, mal xuk'utu che mas kujul'oj, rmal xunojsaj qanma' ruk' Tyoxlaj Uxlab'xel.

Xaw taj le' qachlal, qo'j kujki'ktik rmal runjel uwuch k'ax kpi pqajlom. Kujki'tik mal qit'am chik che un k'ax kqariqo, kuya chqe che kqach'ij u'xom k'ax che kqariq na. Echi' kqach'ij runjel uwuch k'ax che kqariqo, tik'ri k'alnik che utz unom qak'asnmal ruk' Dios. Echi' utz unom qak'asnmal ruk' Dios, xa mas kinmir kub'sb'al qak'u'x chrij Dios che kuya na chqe su ub'im Re che ruk' saqlaj tzij kuya'o.

Ni le' chik kqilo che xa rmal che xujkjon che Qajaw Jesucristo, jare Re xu'on sk'um chqe chjuch Dios. Ni chanim chik o utzil chiqxo'l ruk' Dios, mal xukuy qamak rmal su xu'on Qajaw Jesucristo chqe. Xa rmal che xujkjon che Qajaw Jesucristo, jare Re xuk'am qab'e chiquch rech xqariq ut'ob' Dios. Chewa chanim ko kqatak'b'a qib' chpam ut'ob' uy'om chqe. Kujki'ktik, mal o su qi'em che kqechb'ej na ruk' Dios che nim u'ij che kuya na chqe.

Echi' kujkun taj kqato' qib' chjuch k'ax, jare taq ij xuchay Dios rech kkam Jesucristo qmal qech qo'j che xa ujajb'nal taq mak.

Chewa chanim, Dios xu'on tz'qat chqe rmal ukmik Qajaw Jesucristo. Xa rmal, qatz qtzij kukub'saj qak'u'x che kujkoltaj na chjuch un k'ejsb'al qawuch che pitnaq chqij, mal Dios kukuy qamak, rmal ukmik Qajaw Jesucristo.

Xa jala', numak un nab'e achi xu'ono echi' xunmaj t utzij Dios, xujuya chpam qamak qunjel. Per rmal un chik achi che jare Jesucristo, jare rmal che xu'ono su xub'ij Dios, ku'on chqe che kuju'on sk'um chjuch Dios.

Xaw taj ri' che kujkoltaj na, soq mas kujki'kat ruk' Dios, xa rmal che Qajaw Jesucristo xu'on tz'qat chqe ruk' Dios. Kqatyoxij che Qajaw Jesucristo, mal rmal Re o nimlaj utzil chiqxo'l ruk' Dios.