Popular Bible Verses from Romanos 1

Share

In kink'ix taj che ub'ixik utzlaj taq rson chrij Qajaw Jesucristo, mal o mas uchu'ab' Dios ruk', rech kikoltaj na kunjel mnaq che kikjom utzij Dios rmal Qajaw Jesucristo. Jare nab'e, Dios xuya utzlaj taq rson chke mnaq iyaj Israel, tik'ri xuya chke nk'aj che iyaj Israel taj.

Jare utzlaj taq rson chrij Qajaw Jesucristo kuk'ut chiquch che Dios ku'on na sk'um chqe rmal che qakub'am qak'u'x chrij Qajaw Jesucristo uK'jol Dios. Xaq xaw jala' kikun jun mnaq ku'on sk'um chjuch Dios. Xa rmal, tz'ib'tal kan chpam Tyox Wuj rmal jun ajb'il utzij Dios ujer che kub'ij: «Jare nk'aj sk'umlaj taq mnaq chjuch Dios kiyik'se' na, rmal mel kkub'am kk'u'x chrij», kcha'.

Miskini' kiltaj t uwuch Qajaw Dios, k'aljan chikuch kunjel mnaq che ot uk'isik ri nimlaj uchu'ab', mal xu'on kaj ulew. Saqlaj tzij che xaw Re Dios, nim reqle'n Re o pqajlom. Nk'aj mnaq otchich jachi kib'e wi chjuch atb'altzij ku'on Dios pkijlom, mal ya xk'ut chikuch kunjel che Dios nim uchu'ab' olik.

Miskini' xikch'ob'o che o Dios, rmal su unom, ke xkinmirsaj t u'ij. Ot jun b'welt xkityoxij che. Xaw xik'ano su xikchomaj ke chpam kanma' che xa ot uptan. Xkanaj kan kanma' chpam qu'm, mal xkaj taj xikch'ob'o su kilwi chrij runjel utz unom Dios chke.

Xkijluj kib' che xikkoj saqlaj tzij rech Dios, per xa ch'anik kik'ano, mal xa iyajb'nal taq tzijtal. Jare ke xikkoj k'ij, soq xkinmirsaj k'ij, jumpa sutaq'ik unom Dios, y jare taj Dios xkinmirsaj u'ij. Per xaw Dios tqal che, che junlik kinmirsax u'ij runjel jumpa uwu ijsaq. Amén.

Ri Dios o chla' chkaj kpi riwal pkijlom kunjel jumpa nk'aj mnaq che xa kkaj taj kikkoj utzij Re, che xaw kik'ano jumpa sutaq'ik che xa rech itzel. Jumpa sutaq'ik che xa rech itzel che kik'ano, jare ku'atij uwuch saqlaj tzij, y kuya taj chke mnaq che kiyikjon che.

Xa rmal che xikkoj k'ij jumpa sutaq'ik unom Dios, jare taj qaDios xikkoj u'ij, ena xyuya kan Dios che xa kkub'am kk'u'x chrij nk'aj k'ixb'al laj taq mak su kurij kicuerpo kik'ano. Jare nk'aj ixqib' o b'welt che xik'an t chik su ya'tal chke che kik'an kuk' kichjil, xa kuk' nk'aj kach ixqib' kik'an nk'aj k'axlaj taq mak. Nk'aj achjab' soq jala xik'ano peche nk'aj ixqib', xikya kan u'anik su ya'tal chke kuk' kixqil. Xaw b'enaq kk'u'x che u'anik nk'aj k'axlaj taq mak kuk' nk'aj kach achjab'. Mas xiki'kat che u'anik su kikrij u'anik chikuch ke. Jare ke kiyitjinik kikk'am loq jun k'ejsb'al kwuch chpam kk'asnmal. Rmal che xkaj taj xkinmaj qaDios rech kikch'ob'o su qatz u'antjik Re, jare Dios xyujach kanoq rech kikje kin'oj che xa jech' unom, rech kik'ano jumpa sutaq'ik che xa ustaj.

Ke kikb'ij che o kin'oj, per rmal che xkaj taj xikch'ob' utzil unom Dios chke, xa mox kpinsar, ot su kit'am. Jare taj qaDios xkinmirsaj u'ij che ot uk'isik. Xa xkesaj uwuchb'al k'aslik Dios. Re ksachtaj t uwuch mal k'as runjel uwu ijsaq, per ni ke xa xkesaj uwuchb'al ruk' mnaq che xa ksachtaj kwuch. Xkesaj uwuchb'al nk'aj tz'kin, xkesaj kwuchb'al taq tiko'n che kjeb' kichkalb'al, soq xkesaj kwuchb'al nk'aj kmatz rech xik'an kidios chke.