Popular Bible Verses from San Marcos 9

Share

Ni Jesús xub'ij chik che: —¿Suche che kab'ij chwe, “We o su kkun la che u'anik”? Chin jun che kukub'a uk'u'x chwij, ot su kri' jun cosa che mitji kikun che u'anik, —xche che.

Ena ko' uqaw nala che ub'ixik, chanim xub'ij: —¡Kinkub'a nk'u'x chij la! Chint'o la rech kinkjon mas, —xche che.

Tik'ri xok b'i Jesús pja. Echi' xaq utkel Jesús o chla' kuk' nk'aj udiscípulo, ke xikta che, xikb'ij: —¿Suche lo che xujkun taj qo'j xqesaj nitzel espíritu che nala? —xiche che. Ni Re xub'ij chke: —Nk'aj itzel taq espíritu peche umow nitzele', xaq xaw kikun resxik we jun kitjin che ch'ab'al ruk' Dios y kuch'ij numik, —xche Jesús chke.

Le atz'am, utz; per we kitzyin t chik, ¿su mow kqa'an che, rech kitzyin chik? Ix nmister che jala imow peche utzlaj atz'am ku'on je'lik che rkil; jala' o utzil chixo'l. —Jala xub'ij Jesús chke.

—Chin jun mnaq che kuk'am jun ak'al peche umow juni' rmal wech in, jare in knuk'amo; per xaw tli in knuk'amo, jare kuk'am Qajaw Dios che xnutaq loq, —xche chke udiscípulo.

Qatz qtzij kimb'ij chiwe, chin jun mnaq che kuya chiwe, miskini' xa jun vaso jron, xa rmal rit'am che ixwech in ri Cristo, kuriq na jun tojb'alre, —xche chke.

Xub'ij chik Jesús: —Jumpa taq ch'in ajkojnel che kkub'am kk'u'x chwij, we o jun mnaq che kutaqch'ij jun chke che u'anik mak, mas utz wet kxim jun ka' rech amb'al k'em chqul un mnaq che jala ku'ono, tik'ri kk'eq b'i chpam mar.

Y we xa rmal jun awuch ka'an amak, utz we kawesaj, mal jare mas utz we katik'se' chpam utzlaj atb'altzij rech Dios ruk' jun awuch, chjuch xa katk'eq b'i p'a' ruk' keb' awuch