Popular Bible Verses from San Lucas 3

Share

Echi' mja k'e u Wan pkarsa, kitjin che u'anik qasna' chke kunjel mnaq, soq xu'on qasna' che Jesús. Echi' kitjin Jesús che u'anik uch'ab'al ruk' Dios, xtortaj kaj. Xqaj loq Tyoxlaj Uxlab'xel pujlom Jesús, jala unom peche jun tz'kin, paloma ub'i'. Tik'ri, x'aljan uch'ab'al Jun xch'aw loq chkaj, xub'ij: «Jare at atWalk'al che mas katwaj. Mas kinki'kat chawe», xche che.

Per nu Wan xub'ij chke kunjel: «In taj un ajTo'liwe. Qatz qtzij kin'an qasna' chiwe xaq ruk' ja', per o jun pitnaq che mas o uchu'ab' chinwuch in. Tqal t chwe kinchke' qajoq rech kintur uwuch uxjab', mowni tqal chwe kin'an chak che rilik, mal mas nim u'ij. Ni Re kuqasaj Tyoxlaj Uxlab'xel pijlom soq rich'il a', peche qasna' ku'on che.

China utzil kuk' mnaq, rech k'alnik che xik'ex ichomnik chpam iwanma' y xiya kan u'anik imak. Xaq mib'ij pik'u'x: “Qo'j mas uj'utz, Dios kuk'ejsaj t qawuch, mal qo'j ujri'y umam u Abraham”, kixcha'. Jala taj kib'ij, mal wet kraj Dios, kikunik ku'on ri'y umam u Abraham chke nk'aj ab'aji'. Dios, ixinmister taj ix che.

Nk'aj mnaq xaq ijnam ruk' nk'aj che'. Yijb'am chik nikej rech kket nk'aj che'. Chinchke jun che' che kuya t utzlaj taq uwuch, kketik y kti' p'a'. Jala kikriq mnaq che xa ustaj kik'ano peche kikriq nk'aj che' le'». Jala xub'ij u Wan chke mnaq.

Jarewa x'antjik, mal najb'il utzij Dios che Isaías ub'i' utz'ib'am kanoq, xub'ij: «K'aljan uch'ab'al jun kusik'b'aj rib' chpam un lyar che xa chqi'j ulew, kub'ij: China utz che ub'e jachi kb'in Qajaw; chisuk'b'a', chinojsaj jumpa nk'aj jul o chpam. Runjel nk'aj swan knojsax na upam, runjel nk'aj jyub' kijnamsax na. Nk'aj b'e che xa kotkik, k'an na sk'um che, nk'aj b'e che k'ax unom, k'an na utz che. Tik'ri kunjel mnaq kikkil na su ri' ri to'b'alke uyijb'am Dios», kcha'. Jare utzij Dios xutz'ib'aj u Isaías ujer.