Popular Bible Verses from Hechos 2

Share

U Lu' xub'ij chik chke: —Chik'xa imow ruk' Dios y china qasna' chijunjnal pub'i' Qajaw Jesucristo, rech kkuytaj imak rmal Dios, rech jala' kuqasaj Tyoxlaj Uxlab'xel pijlom che kusipaj Dios chiwe.

Ke ko xiyitk'e' che u'anik sutaq xiyitjox che kmal nk'aj apóstol; kunjel xikto' kib' chikuch rech xkuk'aj kib' putzil chpam kk'asnmal. Jnam xik'an kch'ab'al ruk' Dios; soq echi' kiktij kwa, kunjel kikmol kib', jnam kiwa'ik.

Xa jala' xok Tyoxlaj Uxlab'xel chpam kanma' kunjel, xuya kchu'ab' rech ko xich'awik, xikmaj ub'ixik tzij. Jaljoj uwuch tzij xikkojo xich'awik echi' xuya kchu'ab' Tyoxlaj Uxlab'xel.

Xaq t'et o su xikta' che mas upuchi' xpi chkaj, peche mow ku'on k'qi' che kijmunik kpitik; xu'sij rib' chrij un ja che iku'l chpam. Tik'ri xkilo peche mow a' xreplanik, xujach uwuch rib' pkijlom chikjunjnal. Xa jala' xok Tyoxlaj Uxlab'xel chpam kanma' kunjel, xuya kchu'ab' rech ko xich'awik, xikmaj ub'ixik tzij. Jaljoj uwuch tzij xikkojo xich'awik echi' xuya kchu'ab' Tyoxlaj Uxlab'xel.

Runjel ij kikriq kib' chirchoch Dios; soq kikriq kib' chitaq kchoch ke ti kiktij kwa, rech jnam kiwa'ik; kikjach uwuch wa chikuch rech kunjel kiwa'ik. Mas ki'ktem iy'olik, mas ch'uch'uj kanma'. Ke xikkoj u'ij Dios; kunjel jumpa mnaq xikb'ij che ke, mas i'utzlaj taq mnaq. Runjel ij ri Qajaw xuya kich'il, jare xuya chke chintaq xyukol Qajaw.

“Echi' ya mer kpi jun b'welt chik Qajaw Jesús quk', Dios kub'ij, kunjel jumpa mnaq kinqasaj wuxlab' pkijlom. Jumpa ik'jol rich'il jumpa imb'al iy'olik, jare ke kik'axij ntzij chke mnaq. Kunjel jumpa ab'om iy'o chixo'l, kikkil na su kink'ut chikuch che kin'an na. Ni mnaq che mas iri'j chik kik'an na wchik' pkiwram.

Kunjel jumpa mnaq che xikkoj utzij Jesús, xa jun kinom. Runjel jumpa ub'itaqke olik, kikjach uwuch chikuch chikjunjnal rech jnam o ke. O b'welt xa kikk'ij ub'itaqke, soq kikk'ij klew, rech kikto'o chintaq o nmister chke.

Kunjel jumpa mnaq che kik'an kch'ab'al ruk' Qajaw kito'taj na chpam k'ax”», kcha'. Jala utz'ib'am kan najb'il utzij Dios che Joel ub'i'.

Ri ij kok na qu'm chjuch, ni ik' ku'on keq uwuch, peche kik' ku'ono. Jarela k'antjik echi' ya mer kuriqo che kpi Qajaw rech ku'on atb'altzij. Jare jun ij nimlaj ij, per mas xib'al'ib' rilik.