Popular Bible Verses from Marɨko 5

Share

Yesʉ mwamʉbwɨra athɨ: «Mwalɨ waye, olwɨkɨrɨtsyo lwawe lwamakulamya. Ʉgende mʉ bʉholo, obukoni bwawe bwamalama!»

Na mo kathi k'abandʉ abo mwabyaga mʉkatsɨ mʉgʉma yo wabyaga nɨamamala myaka ikumi n'ibiri nɨanalwere bukoni bw'ɨthoka mʉsasɨ. Omʉkatsɨ oyo mwagalwa kʉtsɨbʉ mw'ɨgendera bashake bangɨ. Namo byanabyaga bithyo, mwahetsya ebyoshi abyaga awitheko na mwathalama. Hewethuwe mwaserwa kʉtsɨbʉ.

Abere akola ko lʉkɨmba lwa Yesʉ, aho n'aho omʉsasɨ mwathashʉba thoka mo mʉbɨrɨ ʉwe. Naye mwayonvwa kw'amalama.

Mwatsɨmba omwana ko kʉboko n'ɨmʉbwɨra athɨ: «Talita kumu!» n'ɨnegena mbʉ: «Mʉthasha, enyɨkʉbwɨra wimana!»

Yesʉ abere akɨnalɨ anegena, bagendi mobahika ɨthoka ewa Yairo omʉkʉlʉ w'esinakoki. Abagendi abo mobabwɨra Yairo bathɨ: «Mwalɨ wawe athakɨrɨho. Bʉshana na ki ʉkɨne mʉkendetsya oMʉkangɨrɨtsya?» Hewethuwe Yesʉ mwathakwama ebɨnwa byabo, mwabwɨra omʉkʉlʉ oyo athɨ: «Ʉthʉbahaga, wɨkɨrɨtsye kuroshi.»

Anegenaga athyo kʉshangwa Yesʉ agenda amʉhamʉla athɨ: «Ɨwe mʉtsɨmʉ mʉbɨ, thoka ko mʉndʉ oyu!» Aho Yesʉ mwamʉbʉtsya athɨ: «Erɨtsɨna lyawe ɨwe ndɨ?» Naye mwamʉshʉbɨtsya athɨ: «Erɨtsɨna lyaye nɨ “Kɨkembe” kʉshangwa thʉlɨ bangɨ.»