Popular Bible Verses from Mariko 2

Share

Yesu abere aumpfa kobaneena, nianabwirabo mbu: «Abakambwe batalaa ku munganga, wetuwe abakoni bobanamulaako. Nitawichaa ibirangira bobatunganene, wetuwe abakotsi ba santsambi.»

Yesu abere axunga abwimire bwa bandu abo, nianabwira amukoni wa makonongola mbu: «Mwana wani asantsambi sawe sameshashirwa.»

Yesu nianaxuba ibwirabo mbu: «Alwire lwa Sabato lwaterekwaa kubwishi bwa bandu, wetuwe amundu atabumbwaa kubwishi bwa Sabato.

Wetuwe kubwishi bwa mubuanano wa bandu, bahusha kobangamuleta mwa mbere sa Yesu. Niyo batobola hambashiro wa nyumba yo Yesu abaa alimo. Niabanamukimya ku mundara mwa mbere sa Yesu.

Anixonda mbu mumenye ku Muala wa Mundu awete maala meshashira asantsambi kwa kihuo kuno.» Kubatyo nianabwira amundu wa makonongola uyo mbu: «Anikubwira mbu batuka, tsimba amundara wawe ube nefuluka hamwawe!»

Kihe kyekyolo, kwebwira amundu wa makonongola mbu: ‹Asantsambi sawe sameshashirwa›, neri imubwira mbu: ‹Batuka, tsimba amundara wawe ube neenda?›

Na bandu boshe babere bali yobalola kwa mundu uyo, mo kashangi umo nianaimana, nianatsimba amundara uwe neiendera. Abandu boshe bashishala, basingya Ongo mbu: «Tutatsatwaxunga binwa biri ngebi kiro na hake!»