Popular Bible Verses from Matayo 16

Share

Nampo Yesu were ebanafunsi bae mbu: «Kuba mwea warae inimisa, witune wisine, wahwa iria emusaraba wae n'inimisa.

Nani nikwirengi mbu ǒngo nge Petero, ngerieba mbu ikoi. Na hiyo n'erikoi ndo nge hasumba ani eKanisa kani, n'ebukwakare bw'ekwerunga butahundusiyo ko.

Nasekuninka esafunguo s'eBwami bwa mu mbingu. Ebiti mbi bisenda bitinange ǒngo mu chuo, bisenda bitinwange hotu mu mbingu. N'ebiti mbi byendi birisiange ǒngo mu chuo, bisenda birisiwange hotu mu mbingu.»

Bushwa mbu ingu usondange iramya ebuingo bwae waseriminya bo. Ina ingu waseriminya ebuingo bwae bushwa nani, iwe waseshee tu bo.

Mbeni inye mufa kuri emwea murishee ebikai biti by'echuo ina wariminya ebuingo bwae? Abe hotu kikai nki chamuninkana emwea murikombora ebuingo bwae?

Yesu washisha bo mbu: «Mbeni na banu mwebange mbu ani ng'inye?» Simoni Petero wasako mbu: «Ǒngo nge Kirisitu, Musike wa Ongo ingu uri ho!»

Nampo, Yesu wamwire mbu: «eSimoni, musike wa Yona, umakasanirwa! Bushwa mbu ekinwa ncho, kusira mwea ngu wamakushea cho, ina Tita wani ngu uri mu mbingu.