Popular Bible Verses from Matayo 13

Share

Embuto nsi sararenga mu roto rwakonda, sasusanyiwa n'ebea mbi barukirangǎ ekinwa cha Ongo n'iteerera mbu bweba cho. Ebea mbo nge babutangǎ byuma: bima byuma iyana, bampe makumi mutuba na bampe makumi ashatu.»

Embuto nsi sakirenga mu menke, sasusanyiwa n'ebea mbi barukiranga ekinwa cha Ongo. Ina emirakasao y'echuo kino n'erishima ebutumba, byekenyanga ekinwa ncho mu mitima yabo. Bushwa nancho, kitabutanga byuma.

Esambuto nsi sararenga mwendende n'ense, sasusanyiwa na bea mbi barukiranga ekinwa ch'eBwami, ina batangateerera cho. Kuruma nampo, Mushumbu weyanga kakuto cho mu mitima yabo.

Esimpe nsi sararenga mu makoi, sasusanyiwa n'ebea mbi barukiranga ekinwa cha Ongo n'isimira cho na ngoa hiha-hiha. Ina ekinwa ncho kitaandiranga mu mitima yabo. Basimiranga cho mu ntambi nkeke ho. Eminubo n'emario bikianga byameyere bo, hiha-hiha ntibareke erisimira rabo.

«eBwami bwa mu mbingu bwasusanyiwa na behe mbi byabiswanga mwishwa. Ebehe mbyo, mwea uma wasunga byo, n'ibisa byo nae. Emwea ngo wamoa nguru n'ienda kachuya bikai byae biti, kuruma nampo wenda kachura erishwa ndo.

Ina simpe mbuto ito sarare mu oto rwakonda n'ibuta byuma: sima sabuta byuma iyana, simpe sabuta makumi mutuba na simpe makumi ashatu.

Murekenga byo ebiti bibi byoshuke mongo ieya na mu matu emukene. Nampo ke nge nasereyo ebakeri mbu: mukuraanga kasa ebisu byema. Muminanga byo bikanda-bikanda kongo byashikwa. Kuruma nampo, mutumanga engano n'ibika yo mu mwiso wani.›»