Popular Bible Verses from Matiɔ 19

Share

Jezu shêkɔ əndje ʉrrr ə pâ kə əndje ə pa: «Ərə ə̂në azü lï lï ndə kə ma nə ne, Ndjapä lï ndə kə ma nə.»

Rəkɔ, əndje sə sə pə kwatəndje tə azü bishi ne, bale, əndje sə kə sə tə əzü kpiabale. Rəkɔ, ərə ə̂në Ndjapä ngbô gâ tə̂ nə gâ ye kɔ, əzü sɔ̈ tshelə nə sɔ̈ ne.»

Tshə kîrə əpʉ ə pa: «E dɨ̂ dɨ̂ əpʉ ə̂në Əpʉ Ndjapä pâ kɔ ne a? “Tə̂ əlînə, Ndjapä ə̂në tshə mâ aərə nɔ̂ kɔ, tshə mâ koshe də yashe,” mandânə, tshə pâ: “Âdârə ə̂në koshe sə kə katə̂ abä nə də əyï nə â sə kə tɔ popo əwɔ nə â əndje bishi nɔ̂ sə kə sə tə əzü bale.”

Bale, Jezu pâ: «E kätə̂ aaya aneshe əndje na gâ tə̂ əmə. E känga äwä känga tə̂ əndje ne. Mbrə ə̂në Əgɔngerə tshelafɔ sə tə ənə̂ azü ə̂në əndje sə mata əndje kɔ.»

Bale, azü tshitshinə ngbatshe sə kə sə tə azü tshe mandânə, â azü tshe mandânə ngbatshe sə kə sə tə azü tshitshinə.»

Əzü nɔ̂ ə̂në tshə tshî aanda nə̂ ye, alaye nə, alakobɔ nə, abä nə, əyï nə, əwɔ nə wala aləvu nə, wala ashɔ nə̂ ye tʉ mbrə əɨrɨ əmə, tshə sə kə sɔtə̂ aərə äwä ngbangbo bale rô pâ nə, â sə kə sə tə sorô piii.

Jezu pâ kə ətshə ə pa: «Kədə bə yində kə sə tə ə̂rɔ̂ əzü nɔ̂, gü ə kä aərə nə̂ zə nɔ̂, ə krü tshelə ngendja nə tə̂ alayïəyo ka ə sɔtə̂ aərə mâ lafɔ-e. Mandânə, nä gâ əmə ə zä äwä əmə.»

Tshə kîrə əpʉ kə ətshə ə pa: «Mbrə yekɔ də̂ bə yu əmə gâ pâ əpʉ ərə ə̂në ə sə tə ə̂rɔ̂ nə kɔ? Kʉtə̂ Ndjapä tshî kə sə tə ə̂rɔ̂ əzü. Kədə bə yində kə li gâ ə̂sə̂ sorô, bata aəpʉ lə âgbɔ̂ əpʉ nə̂ Əyïlingû.»

Mə pa kwatə̂mə kə e: kə li awosə də aərə ngbatshe gâ lə Əgɔngerə tshelafɔ gbɔ ə rô kə ro agia ə̂në əndje djî əɨrɨ ye ə pa shamo kɔ lə əgro swa.»

Bale, mə pa kə e: əzü ə̂në tshə grɔ əwɔ nə grɔ tshî kʉ mbrə kə pra akoshe ne, â za ə̈bə̈ ata yashe, kandää tshə mâ nyaka gâ ye.»

Bale, Jezu pâ kə atrawaya nə̂ ye ə pa: «Djatra əpʉ, mə pa kə e, kə li awosə də aərə ngbatshe gâ lə Əgɔngerə tshelafɔ sə kə gbɔ tə bandanə.