Popular Bible Verses from Zââ 12

Share

Kədə ə̈bə̈ əzü kə yində kə ma kosəra kə əmə, tshə zä äwä əmə, ka ətshe ə̂në, əmə, mə sə tə̂ nə kɔ, əyïkosəra nə̂ əmə nə sə kə sə ndje tə̂ nə. Kədə ə̈bə̈ əzü kə yində kə ma kosəra kə əmə, Abä əmə sə kə lʉ ətshə.»

Əzü ə̂në tshə yində kə bata əwu ye, tshə sə kə tshu nə. Bale, əzü ə̂në tshə wa wa ndə ye lə sorô tə̂ ye pâ ashɔ səye ne, tshə sə kə bata əwu ye mbrə sorô nə̂ alɔnɔ̂.

Djatra əpʉ, mə pa kə e, kədə ə̂lê ble kə te te gâ lə ashɔ â tshu tshu ne, ə sə kə daka pə kʉtə̂ ye. Bale, kədə ə tshu, ə sə kə le ro pâ nə.

Əmə ə̂në mə də̂ ə̂yîəwo kɔ, mə nâ gâ pâ ashɔ ndə kə pa əzü nɔ̂ ə̂në tshə za lɔsu ye kə əmə, tshə sə sə kə daka pə lə əbutshe ne.

«Kədə ə̈bə̈ əzü kə dji aəpʉ nə̂ əmə â ba bata ne, ə də̂ əmə də̂ kə wa ngbanga gâ lə kumu ye ne, mbrə ə̂në mə nâ nâ ndə kə wa ngbanga gâ pâ azü tshepashɔ ne, bale mə nâ ndə kə tshɔ əndje lə kuzu.

Marə̂ zâ ə̈bə̈ anga yombo ə̂në əndje mbrə̂ kʉ də ə̂ngû ə̈bə̈ ayɔ ə̂në əndje ê ə pa narə kɔ, ə̂në ndogɔ nə gbɔ̂ wââ kɔ, ə sɨ̂ gâ pâ aə̈nü Jezu nə â trû aə̈nü ye nə də sukumu ye. Tshefʉ yombo nə zâ tshelə anda nə nɔ̂.

Azü nə kô ayana ayɔ ngbima ə nâ pra tshitshi ye ə sə̂ kə ta râwâ ə pa: «A mbë Ndjapä! Ndjapä tö ngwarə gâ pâ ətshə ə̂në tshə sə kə na də əɨrɨ Əyïlingû, Əyïngerə əgɔ Isərayalə kɔ!»

Jezu nə kîrə əpʉ kə əndje ə pa: «Alɔ nə lî gâ ye ə̂në Əgblə nə̂ Əzü lï ndə kə sɔtə̂ ə̂yî ndə Ndjapä.