Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 8

Share

ܘܟ݄ܐܕ̥ܥܺܝܢܰܐ ܕܰܐܝܢܰܐ ܕ݄ܟܪܳܚܡܺܝ ܠܰܐ‌ܠܳܗܳܐ، ܐܰ‌ܠܳܗܳܐ ܟ݄ܡܥܰܕܰܪّܶܗ ܒܟܽܘܠ ܡܶܕܶܐ ܠܺܗ̄ܝ ܛܳܒ̥ܽܘܬ̥ܳܐ، ܠܰܗ̄ܢܺܝ ܕܡܺܗ̄ܝ ܩܰܕ̱ܡܰܝܬܳܐ ܡܥܰܝܢܺܝ ܠܶܗ ܕܳܗ̄ܘ݄ܢ ܩܰܪ̈ܝܶܐ.

ܘܟܳܐܕ̥ܰܥ ܐ̱ܢܳܐ (ܘ݄ܟܡܰܫ݄ܪ ܐ̱ܢܳܐ) ܕܠܳܐ ܡܰܘܬܳܐ ܘܠܳܐ ܚܰܝ̈ܶܐ، ܘܠܳܐ ܡܰܠܰܐܟ̥̈ܶܐ ܘܠܳܐ ܫܽܘܠܛܳܢ̈ܶܐ ܘܠܳܐ ܚܰܝ̈ܠܶܐ، ܘܠܳܐ ܗܰܢܺܝ ܕܳܐܥܕܳܐ ܘܠܳܐ ܗܰܢܺܝ ܕ݄ܓܕܳܐܬ̥݄ܢ، ܘܠܳܐ ܥܳܠܝܳܐ ܘܠܳܐ ܥܽܘܡܩܳܐ، ܘܠܳܐ ܒܪܺܝܬ̥ܳܐ ܚܪܶܬܳܐ ܟܺܝܒܰܗ ܦ݄ܪܫܳܐ ܠܺܝ ܡܺܗ̄ܝ ܚܽܘܒܳܐ ܕܰܐ‌ܠܳܗܳܐ ܕ݄ܒܡܳܪܰܢ ܝܶܫܽܘܥ ܡܫܺܝܚܳܐ.

ܘܗܰܘܟ̥ܰܐ ܣܬܶܝ ܗ̄ܺܝ ܪܽܘܚܳܐ ܟ݄ܡܥܰܕܪܳܐ ܠܺܗ̄ܝ ܪܰܦܝܽܘܬ̥ܰܝܕ̥ܰܢ، ܡܺܐܝܕ̥ܶܗ ܕܠ݄ܐ ܟ݄ܐܕ̥ܥܺܝܢܰܐ ܡ݄ܢ ܡܨܰܠܺܝܢܰܐ ܐܟ̥ ܕܽܗ̄ܘ ܡܶܕܶܐ ܕܟ݄ܬ ܝܳܐ ܫܰܦܺܝܪܳܐ، ܐܶ‌ܠܳܐ ܗ̄ܺܝ ܪܽܘܚܳܐ ܟ݄ܡܨܰܠܝܳܐ ܡܶܢ̱ ܚܠܳܦܰܢ ܒܬܶܢܺܝܢܳܐ ܕܠ݄ܐ ܟܡܺܝܬܰܘܡ݄ܪ.

ܗܰܢ ܢܰܩܠܐ ܡ݄ܢ ܐ݄ܡّܺܪ̱ܝܢܰܐ ܥܰܠ ܗܰܢܺܝ: ܕܳܗ̄ܘܶܐ ܐܰ‌ܠܳܗܳܐ ܡܶܢ̱ ܚܠܳܦܰܢ، ܡܰܢܝܳܐ ܕܩܳܝ݄ܡ ܒܦܳܬ̥ܰܢ؟

ܗܰܢ ܢܰܩܠܐ ܠܰܝܬ ܢܦܳܠܳܐ ܬܰܚܬ ܗ̄ܽܘ ܕܺܝܢܳܐ ܠܰܐܝܢܰܐ ܕܟ݄ܬܢܶܝ ܒܝܶܫܽܘܥ ܡܫܺܝܚܳܐ ܕܠ݄ܐ ܟ݄ܡܗܰܠܟ̥ܺܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ.

ܗ̄ܽܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܡܰܘܬܳܐ ܝܳܐ، ܘܽܗ̄ܘ ܪܶܢܝܳܐ ܕܺܗ̄ܝ ܪܽܘܚܳܐ ܚܰܝ̈ܶܐ ܘ݄ܫܠܳܡܳܐ ܢܶܝ.

ܐܶ‌ܠܳܐ ܒܰܗ̄ܢܺܝ ܟܽܘܠّܶܗ ܪ̈ܰܒܳܚܶܐ ܢܰܐ ܒܽܗ̄ܘ ܚܰܝܠܳܐ ܕܰܗ̄ܘܳܐ ܕ݄ܪܚ݄ܡ ܠܶܗ ܠܰܢ.

ܘܡܰܫ݄ܪ ܐ̱ܢܳܐ ܕܰܟّܶܐܒ̥̈ܶܐ ܕܽܗ̄ܘ ܙܰܒܢܰܢܳܐ ܠܰܝ̱ܬ ܢܶܝ ܡܶܕܶܐ ܩ݄ܕ̱ܡ ܗ̄ܽܘ ܫܽܘܒܚܳܐ ܕ݄ܓܡ݄ܓܠܶܐ ܐܶܒܰܢ.

ܡܰܢ ܓܦܳܪܰܫ ܠܺܝ ܡܺܗ̄ܝ ܚܽܘܒܳܐ ܕ݄ܡܫܺܝܚܳܐ؟ ܥܺܝܩܽܘܬ̥ܳܐ، ܐܰܘ ܚܒܽܘܫܝܳܐ، ܐܰܘ ܛܪܳܕܳܐ، ܐܰܘ ܟܰܦܢܳܐ، ܐܰܘ ܥܰܪܛܶܠܳܝܽܘܬ̥ܳܐ (ܙܰܠܛܳܐ)، ܐܰܘ ܙܽܘܥܬ̥ܳܐ (ܘܩܶܢܛܳܐ)، ܐܰܘ ܣܰܝܦܳܐ؟

ܘܗܺܝّܶܗ ܕܟܳܐܕ̥݄ܥ (ܘܒܳܚ݄ܪ) ܗ̄ܰܠّܶܒ̈ܶܐ، ܟܳܐܕ̥݄ܥ ܡ݄ܢ ܟ݄ܐܒܥܳܐ ܗ̄ܺܝ ܪܽܘܚܳܐ، ܘܺܗ̄ܝ ܪܽܘܚܳܐ ܐܟ̥ ܕܽܗ̄ܘ ܨܶܒܝܳܢܳܐ ܕܰܐ‌ܠܳܗܳܐ ܟ݄ܡܨܰܠܝܳܐ ܡܶܢ̱ ܚܠܳܦ ܗ̄ܰܩّܰܕ̈ܺܝܫܶܐ.

ܡܺܐܝܕ̥ܶܗ ܕܰܐܝܢܰܐ ܕܡܺܝܕܰܒܪܺܝ ܡܺܗ̄ܝ ܪܽܘܚܳܐ ܕܰܐ‌ܠܳܗܳܐ، ܗܰܢܺܝ ܗ̄ܰܢ ܐܰܒܢ̈ܶܐ ܕܰܐ‌ܠܳܗܳܐ ܢܶܝ.

ܐܰܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܽܗ̄ܘ ܦܰܓ̥ܪܳܐ، ܠܶܒܰܝّܶܗ ܠܽܗ̄ܘ ܦܰܓ̥ܪܳܐ ܟܳܐܒ݄ܥ. ܘܰܐܝܢܰܐ ܕܟ݄ܬܢܶܝ ܒܽܗ̄ܘ ܕܰܪܒܳܐ ܕܺܗ̄ܝ ܪܽܘܚܳܐ، ܠܶܒܰܝّܶܗ ܠܺܗ̄ܝ ܪܽܘܚܳܐ ܟܳܐܒ݄ܥ.

ܘܶܐܢ ܥܰܠ ܗ̄ܽܘ ܐܰܒܪܰܝܕ̥ܶܗ ܠܳܐ ܡܰܪܚܰܡ ܠܶܗ، ܐܶ‌ܠܳܐ ܡܶܢ̱ ܚܠܳܦ ܟܽܘܠܰܢ ܡܰܫܠܰܡ ܠܶܗ (ܠܽܗ̄ܘ ܡܰܘܬܳܐ)، ܐܰܝܕܰܪܒܳܐ ܠܳܐ ܟܽܘܠ ܡܶܕܶܐ ܐܰܥܡܶܗ ܓܕܳܗ̄ܒܶܐ ܠܰܢ؟

ܘܺܗ̄ܝ ܪܽܘܚܳܐ ܟܣ݄ܗܕܳܐ ܠܺܗ̄ܝ ܪܽܘܚܰܝܕ̥ܰܢ ܕܟ݄ܬܢܰܐ ܗ̄ܰܢ ܐܰܒܢ̈ܶܐ ܕܰܐ‌ܠܳܗܳܐ. ܘܶܐܢ ܐܰܒܢ̈ܶܐ ܢܰܐ، ܝܳܪ̈ܬ̥ܶܐ ܣܬܶܝ ܟܳܗ̄ܘܺܝܢܰܐ، ܝܳܪ̈ܬ̥ܶܐ ܕܰܐ‌ܠܳܗܳܐ، ܘܝܳܪ̈ܬ̥ܶܐ ܥܰܡ ܡܳܪܰܢ ܝܶܫܽܘܥ ܡܫܺܝܚܳܐ. ܐܶܢ ܐܰܥܡܶܗ ܕܛܳܥܢܺܝܢܰܐ ܚܰܫܳܐ، ܐܰܥܡܶܗ ܣܬܶܝ ܓܡܺܝܫܰܒܚܺܝܢܰܐ.

ܡܺܐܝܕ̥ܶܗ ܕܽܗ̄ܘ ܪܶܢܝܳܐ ܕܽܗ̄ܘ ܦܰܓ̥ܪܳܐ ܒܥܶܠܕܒܳܒܽܘܬ̥ܳܐ ܝܳܐ ܓܰܒ ܐܰ‌ܠܳܗܳܐ، ܘܗܰܢܳܐ (ܗ̄ܽܘ ܪܶܢܝܳܐ) ܠ݄ܐ ܟܥܳܒ̥݄ܕ ܘܠܰܝܒܶܗ ܥܳܒ̥݄ܕ ܠܽܗ̄ܘ ܢܳܡܽܘܣܳܐ ܕܰܐ‌ܠܳܗܳܐ.

ܘ݄ܒܪܺܝܬ̥ܳܐ ܟܽܘܠܰܗ ܟ݄ܬ ܠܰܗ ܣܰܒܪܳܐ ܘ݄ܟܢ݄ܛܪܳܐ ܠܽܗ̄ܘ ܓܶܠܝܳܢܳܐ ܕܰܗ̄ܢ ܐܰܒܢ̈ܶܐ ܕܰܐ‌ܠܳܗܳܐ.

ܥܰܠ ܕܟܳܐܕ̥ܥܺܝܢܰܐ ܕܟܽܘܠّܶܗ ܗ̄ܰܒّܶܪ̈ܝܳܬ̥ܳܐ ܗܳܠ ܠܰܐܕܝܰܘܡܰܐ ܟܡܰܐܢܺܝܢܺܝ ܘ݄ܟܟܳܝܰܒّ̥ܶܗ ܗ̄ܽܘ ܟܶܐܒ̥ܳܐ ܕܽܗ̄ܘ ܛܥܳܢܳܐ،