Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 5

Share

ܗܰܪܟܶܐ ܐܰ‌ܠܳܗܳܐ ܟܡܰܚܘܶܐ ܗ̄ܺܝ ܚܽܘܒܰܝܕܶܗ ܐܶ‌ܠܰܢ: ܕܗܶܫ ܚܰܛܳܝ̈ܶܐ ܗ̄ܘܰܝܢܰܐ، ܡܰܝ݄ܬ̥ ܡܫܺܝܚܳܐ ܡܶܢ̱ ܚܠܳܦܰܝܢܰܐ.

ܘܽܗ̄ܘ ܣܰܒܪܳܐ ܠ݄ܐ ܟܛܳܪܶܐ ܚܰܕ̱ ܡܺܝܢܰܟ݄ܦ، ܡܺܐܝܕ̥ܶܗ ܕܺܗ̄ܝ ܚܽܘܒܳܐ ܕܰܐ‌ܠܳܗܳܐ ܟܡ݄ܠܝܳܐ ܠܶܒܰܢ ܒܪܽܘܚܳܐ ܕܩܽܘܕܫܳܐ ܕܗܺܝܒ̥ܳܐ ܐܶ‌ܠܰܢ.

ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶ‌ܠܳܐ ܟܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܥّܳܩ̈ܳܬ̥ܳܐ ܕܟܳܐܕ̥ܥܺܝܢܰܐ ܕܺܗ̄ܝ ܥܺܝܩܽܘܬ̥ܳܐ ܟܡܰܘܠܕ̥ܳܐ ܐܶܒܰܢ ܡܣܰܝܒܪܳܢܽܘܬ̥ܳܐ، ܘܺܗ̄ܝ ܡܣܰܝܒܪܳܢܽܘܬ̥ܳܐ ܒܽܘܚܪܳܢܳܐ ܝܳܐ، ܘܽܗ̄ܘ ܒܽܘܚܪܳܢܳܐ ܣܰܒܪܳܐ ܝܳܐ،

ܗܰܢ ܢܰܩܠܐ ܕܗܰܘܺܝܢܰܐ ܙܰܕ̈ܺܝܩܶܐ ܒܺܗ̄ܝ ܗܰܝܡܳܢܽܘܬ̥ܳܐ، ܓܕܳܗ̄ܘܶܐ ܠܰܢ ܫܠܳܡܳܐ ܓܰܒ ܐܰ‌ܠܳܗܳܐ ܒܡܳܪܰܢ ܝܶܫܽܘܥ ܡܫܺܝܚܳܐ، ܕܶܐܒܶܗ ܡܩܰܪܰܒ̥ ܠܰܢ ܒܺܗ̄ܝ ܗܰܝܡܳܢܽܘܬ̥ܳܐ ܠܺܗ̄ܝ ܛܰܝܒܽܘܬ̥ܳܐ، ܗܰܬ̥ܶܐ ܕܶܐܒܰܗ ܟܳܩܰܝܡܺܝܢܰܐ ܘ݄ܟܡ݄ܫܬܰܒ݄ܗܪܺܝܢܰܐ ܒܽܗ̄ܘ ܣܰܒܪܳܐ ܕܽܗ̄ܘ ܫܽܘܒܚܳܐ ܕܰܐ‌ܠܳܗܳܐ.

ܘܶܐܢ ܡܫܺܝܚܳܐ ܠܰܫܰܢ ܗ̄ܺܝ ܪܰܦܝܽܘܬ̥ܰܝܕ̥ܰܢ، ܒܽܗ̄ܘ ܙܰܒܢܰܢܳܐ، ܡܰܝ݄ܬ̥ ܡܶܢ̱ ܚܠܳܦ ܗ̄ܰܟّܳܦܽܘܪ̈ܶܐ،

ܗܰܢ ܢܰܩܠܐ ܟܡܳܐ ܒܽܗ̄ܘ ܙܳܝܽܘܕܳܐ، ܐܳܥܕܳܐ، ܓܡܺܝܙܰܕܩܺܝܢܰܐ ܒܽܗ̄ܘ ܐܰܕܡܰܝܕ̥ܶܗ، ܘܶܐܒܶܗ ܟܦ݄ܠܛܺܝܢܰܐ ܡܽܗ̄ܘ ܪܽܘܓ̥ܙܳܐ.

ܘܒܶܗ ܐܰܝܕܰܪܒܳܐ ܕܒܺܗ̄ܝ ܠܳܐ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܢܳܫܳܐ ܓ̥ܰܠܰܒܶܐ ܚܰܛܳܝ̈ܶܐ ܗܰܘ݄ܢ، ܗܰܘܟ̥ܰܐ ܣܬܶܝ ܒܺܗ̄ܝ ܡ݄ܫܬܰܡܥܳܢܽܘܬ̥ܳܐ ܕܚܰܕ̱ ܓ̥ܰܠܰܒܶܐ ܙܰܕ̈ܺܝܩܶܐ ܟܳܗ̄ܘ݄ܢ.

ܘܠܳܐ ܗܰܘܟ̥ܰܐ ܒܶܠܚܽܘܕ̥ܶܗ، ܐܶ‌ܠܳܐ ܓܕܳܗ̄ܘܶܐ ܠܰܢ ܫܽܘܒܗܳܪܳܐ ܣܬܶܝ ܒܰܐ‌ܠܳܗܳܐ، ܒܡܳܪܰܢ ܝܶܫܽܘܥ ܡܫܺܝܚܳܐ ܕܶܐܒܶܗ ܐܳܥܕܳܐ ܗܰܘܺܝ ܠܰܢ ܫܠܳܡܳܐ.