Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 15

Share

ܘܰܐ‌ܠܳܗܳܐ ܕܽܗ̄ܘ ܣܰܒܪܳܐ ܡܳܠܰܠܟ̥ܽܘ ܗ̄ܺܝ ܦܨܺܝܚܽܘܬ̥ܳܐ ܟܽܘܠܰܗ ܘܽܗ̄ܘ ܫܠܳܡܳܐ ܒܺܗ̄ܝ ܗܰܝܡܳܢܽܘܬ̥ܳܐ، ܠܰܫܰܢ ܕܙܰܝܕܺܝܬܽܘ ܒܽܗ̄ܘ ܣܰܒܪܰܝܕ̥ܶܗ، ܒܽܗ̄ܘ ܚܰܝܠܳܐ ܕܪܽܘܚܳܐ ܕܩܽܘܕܫܳܐ.

ܘܟܽܘܠ ܡܶܕܶܐ ܕܡܶܢ̱ ܡܶܩ݄ܕ̱ܡ ܟܬ̥ܺܝܒ̥ ܠܽܗ̄ܘ ܝܽܘܠܦܳܢܰܝܕ̥ܰܢ ܟܬ̥ܺܝܒ̥، ܠܰܫܰܢ ܕܗܳܘܶܐ ܠܰܢ ܣܰܒܪܳܐ ܒܺܗ̄ܝ ܡܣܰܝܒܪܳܢܽܘܬ̥ܳܐ ܘܒܽܗ̄ܘ ܠܽܘܒܳܒܳܐ ܕܰܟܬ̥ܳܒ̥̈ܶܐ.

ܘܰܐ‌ܠܳܗܳܐ ܕܺܗ̄ܝ ܡܣܰܝܒܪܳܢܽܘܬ̥ܳܐ ܘܕܽܗ̄ܘ ܠܽܘܒܳܒܳܐ ܗ̄ܳܒܰܠܟ̥ܽܘ ܕ݄ܒܚܰܕ̱ ܪܶܥܝܳܢܳܐ ܗܳܘܺܝܬܽܘ ܚܰܕ̱ ܥܰܡ ܚܰܕ̱ ܒܝܶܫܽܘܥ ܡܫܺܝܚܳܐ. ܠܰܫܰܢ ܕ݄ܒܚܰܕ̱ ܪܶܥܝܳܢܳܐ ܘ݄ܒܚܰܕ̱ ܦܶܡܳܐ ܡܫܰܒܚܺܝܬܽܘ ܠܰܐ‌ܠܳܗܳܐ ܗ̄ܽܘ ܐܰܒܳܐ ܕܡܳܪܰܢ ܝܶܫܽܘܥ ܡܫܺܝܚܳܐ.

ܡܰܗ̄ܘܟ̥ܰܐ، ܡܩܰܕܶܡܽܘ ܘ݄ܛܥܰܢܽܘ ܠ݄ܚܕ̥ܳܕ̥̈ܶܐ ܐܟ̥ ܕ݄ܡܫܺܝܚܳܐ ܣܬܶܝ ܡܩܰܕܰܡ ܠܶܗ ܠܟ̥ܽܘ ܠܽܗ̄ܘ ܫܽܘܒܚܳܐ ܕܰܐ‌ܠܳܗܳܐ.

ܐܶ‌ܠܳܐ ܟܽܘܠ ܚܰܕ̱ ܡܶܢܰܢ ܠܽܗ̄ܘ ܩܰܪܺܝܒ̥ܰܝܕ̥ܶܗ ܕܳܗ̄ܘܶܐ ܫܰܦܺܝܪܳܐ ܒܰܛّܳܒ̥̈ܳܬ̥ܳܐ ܕܟ݄ܬܢܶܝ ܠܽܗ̄ܘ ܒܶܢܝܳܢܳܐ (ܕܺܗ̄ܝ ܢܰܦܫܳܐ).