Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 12

Share

ܘܠܳܐ ܗ̄ܘܺܝܬܽܘ ܐܟ̥ ܕܰܗ̄ܢ ܢܳܫ̈ܶܐ ܕܽܗ̄ܘ ܥܳܠܡܰܢܳܐ، ܐܶ‌ܠܳܐ ܗܘܰܝܽܘ ܢܳܫ̈ܶܐ ܚܰܕ̱̈ܬ̥ܶܐ ܒܗܰܘܢܳܐ ܚܰܕ̱ܬ̥ܳܐ، ܘܺܝܠܰܦܽܘ ܕܦܳܪܫܺܝܬܽܘ ܐܰܝܢܰܐ ܝܳܐ ܗ̄ܽܘ ܨܶܒܝܳܢܳܐ ܕܰܐ‌ܠܳܗܳܐ: ܗ̄ܽܘ ܛܳܒ̥ܳܐ ܘܽܗ̄ܘ ܡܰܩܒܠܳܐ ܘܽܗ̄ܘ ܓܡܺܝܪܳܐ.

ܟܳܐܒܰܥ ܐ̱ܢܳܐ ܡ݄ܢܟ̥ܽܘ، ܝܰܐ ܐܰܚ̈ܽܘܢܳܢܰܝܕ̥ܺܝ، ܒܰܪّܰܚܡ̈ܶܐ ܕܰܐ‌ܠܳܗܳܐ، ܕܡܰܩܺܝܡܺܝܬܽܘ ܗ̄ܰܦّܰܓ̥ܪ̈ܰܬ̥ܟ̥ܽܘ ܕܶܒܚܬ̥ܳܐ ܚܰܝܬ̥ܳܐ ܘ݄ܡܩܰܕܰܫܬܳܐ ܘܡܰܩܒܰܠܬܳܐ ܠܰܐ‌ܠܳܗܳܐ ܒܬܶܫܡܶܫܬܳܐ ܪܽܘܚܳܢܳܝܬܳܐ ܫܰܪ݄ܪܬܳܐ.

ܡ݄ܦܨܶܚܽܘ ܒܽܗ̄ܘ ܣܰܒܪܰܬ̥ܟ̥ܽܘ، ܘ݄ܡܣܰܝܒܶܪܽܘ ܗ̄ܰܥّܳܩ̈ܳܬ̥ܰܬ̥ܟ̥ܽܘ، ܘ݄ܒܟܽܘܠ ܙܰܒܢܳܐ ܡܨܰܠܰܝܽܘ.

ܛܪܳܐ ܗ̄ܺܝ ܒܺܝܫܬܳܐ ܠܳܐ ܩܳܘܝܳܐ ܐܰܥܠܰܝܟ̥ܽܘ، ܗܰܬܽܘ ܩܘܰܝܽܘ ܐܰܥܠܰܗ ܒܺܗ̄ܝ ܛܰܒ̥ܬܳܐ.

ܪܚܰܡܽܘ ܠܰܗ̄ܢ ܐܰܚ̈ܽܘܢܳܢܰܬ̥ܟ̥ܽܘ، ܘ݄ܪܚܰܡܽܘ ܠ݄ܚܕ̥ܳܕ̥̈ܶܐ، ܘܟܽܘܠ ܚܰܕ̱، ܒܺܗ̄ܝ ܩܰܕ̱ܡܰܝܬܳܐ، ܛܪܳܐ ܡܝܰܩ݄ܪ ܠܽܗ̄ܘ ܚܪܶܢܳܐ ܙ݄ܕ ܡܶܢ̱ ܪܽܘܚܶܗ.

ܘ݄ܛܪܳܐ ܗ̄ܺܝ ܚܽܘܒܰܬ̥ܟ̥ܽܘ ܠܳܐ ܗ̄ܽܘܝܳܐ ܒܢܶܟ̥ܠܳܐ، ܐܶܠܳܐ ܪܚܰܩܽܘ ܡܰܢ̱ ܒّܺܝܫ̈ܳܬ̥ܳܐ، ܘ݄ܡܛܰܝܽܘ ܠܰܛّܳܒ̥̈ܳܬ̥ܳܐ.

ܘܡ݄ܩܰܐ ܕܟܳܐܬ̥ܶܐ ܡ݄ܢܟ̥ܽܘ، ܣܽܘܡܽܘ ܫܠܳܡܳܐ ܥܰܡ ܟܽܘܠّܶܗ ܗ̄ܰܢ ܢܳܫ̈ܶܐ.

ܠܳܐ ܡ݄ܬܢܰܩܡܺܝܬܽܘ ܠܢܰܦܫ̈ܰܝܟ̥ܽܘ، ܝܰܐ ܚܰܒܺܝܒ̈ܰܝܕ̥ܺܝ، ܐܶ‌ܠܳܐ ܗܰܒ̥ܽܘ ܕܽܘܟܬ̥ܳܐ ܠܽܗ̄ܘ ܪܽܘܓ̥ܙܳܐ (ܕܰܐ‌ܠܳܗܳܐ). ܥܰܠ ܕܟ݄ܬ ܝܳܐ ܟܬ̥ܺܝܒ̥ܳܐ: ”ܐܶܢ ܕܠܳܐ ܣܰܝܡܰܬ ܕܺܝܢܳܐ ܠܪܽܘܚܳܟ̥، ܐܳܢܳܐ ܓ݄ܕܣܳܝܰܡ ܐ̱ܢܳܐ ܗ̄ܽܘ ܕܺܝܢܰܝܕ̥ܳܟ̥،“ ܟܳܐܡ݄ܪ ܐܰ‌ܠܳܗܳܐ.

ܗܘܰܝܽܘ ܟܰܫܺܝܪ̈ܶܐ ܘܠܳܐ ܚܒܰܢܳܢ̈ܶܐ، ܪ̈ܰܬ̥ܽܘܚܶܐ ܒܺܗ̄ܝ ܪܽܘܚܳܐ، ܘܥܰܒ̥ܳܕ̈ܶܐ ܠܽܗ̄ܘ ܡܳܪܰܬ̥ܟ̥ܽܘ.

ܘܟܳܐܡܰܪ ܐ̱ܢܳܐ ܠܟܽܘ̇ܠܟ̥ܽܘ ܒܺܗ̄ܝ ܛܰܝܒܽܘܬ̥ܳܐ ܕܗܺܝܒ̥ܳܐ ܐܶ‌ܠܺܝ: ܠܳܐ ܪܳܢܺܝܬܽܘ ܠܰܪܒ̥ܰܠ ܡܽܗ̄ܘ ܡܶܕܶܐ ܕܟܳܠܳܙ݄ܡ ܕܪܳܢܺܝܬܽܘ. ܐܶ‌ܠܳܐ ܪܢܰܝܽܘ ܒܢ݄ܟܦܽܘܬ̥ܳܐ، ܟܽܘܠ ܚܰܕ̱ ܐܟ̥ ܕܺܗ̄ܝ ܗܰܝܡܳܢܽܘܬ̥ܳܐ ܕ݄ܦܠ݄ܓ̥ ܠܶܗ ܐܰܥܠܶܗ ܐܰ‌ܠܳܗܳܐ ܒܽܗ̄ܘ ܟܰܝܠܳܐ.

ܠܳܐ ܗ̄ܳܒܺܝܬܽܘ ܠܢܳܫܳܐ ܒܺܝܫܬܳܐ ܡܶܢ̱ ܚܠܳܦ ܒܺܝܫܬܳܐ، ܐܶ‌ܠܳܐ ܥܒ̥ܰܕܽܘ ܕܣܰܝܡܺܝܬܽܘ ܛܳܒ̥̈ܳܬ̥ܳܐ ܩ݄ܕ̱ܡ ܗ̄ܰܢ ܢܳܫ̈ܶܐ ܟܽܘܠّܶܗ.

ܘܽܗ̄ܘ ܡܶܕܶܐ ܕܪܳܢܺܝܬܽܘ ܥܰܠ ܪ̈ܽܘܚܰܝܟ̥ܽܘ، ܗܰܘܟ̥ܰܐ ܣܬܶܝ ܥܰܠ ܗ̄ܰܢ ܐܰܚ̈ܽܘܢܳܢܰܬ̥ܟ̥ܽܘ. ܘܠܳܐ ܚܳܙܺܝܬܽܘ ܪ̈ܽܘܚܰܝܟ̥ܽܘ، ܐܶ‌ܠܳܐ ܡܛܰܝܽܘ ܠܰܐܝܢܰܐ ܕܟ݄ܬܢܶܝ ܡܰܟܺܝܟ̥̈ܶܐ. ܘܠܳܐ ܚܳܙܺܝܬܽܘ ܪ̈ܽܘܚܰܝܟ̥ܽܘ ܚܰܟܺܝܡ̈ܶܐ ܒܥܰܝܢ̈ܶܐ ܕܪ̈ܽܘܚܰܝܟ̥ܽܘ.

ܐܶ‌ܠܳܐ ܕܶܐܢ ܟܰܦ݄ܢ ܗ̄ܽܘ ܒܥܶܠܕܒܳܒܰܝܕ̥ܳܟ̥ ܡܰܘܟܶܠ ܠܶܗ، ܘܶܐܢ ܕܨܰܗܺܝ ܡܰܫܬܺܝܶܗ، ܘܶܐܢ ܗܰܢܺܝ ܕܣܰܝܡܰܬ ܠܶܗ، ܓܽܘܡܪ̈ܶܐ ܕܢܽܘܪܳܐ ܟܳܡܟܰܘܫܰܬ ܥܰܠ ܪܺܝܫܶܗ.

ܡܒܰܪܶܟ̥ܽܘ ܠܰܐܝܢܰܐ ܕܛ݄ܪܕ݄ܢܟ̥ܽܘ (ܘܪ݄ܕ̥ܦ݄ܢܟ̥ܽܘ)، ܡܒܰܪܶܟ̥ܽܘ ܘܠܳܐ ܠܰܝܛܺܝܬܽܘ. ܡ݄ܦܨܶܚܽܘ ܥܰܡ ܗܰܢܺܝ ܕ݄ܟܡ݄ܦܨܳܚܺܝ، ܘ݄ܒܟ̥ܰܝܽܘ ܥܰܡ ܗܰܢܺܝ ܕ݄ܟܒܳܟ̥݄ܢ.

ܡܥܰܕܶܪܽܘ ܠܺܗ̄ܝ ܣܢܺܝܩܽܘܬ̥ܳܐ ܕܰܩّܰܕ̈ܺܝܫܶܐ، ܘ݄ܪܚܰܡܽܘ ܠܰܗ̄ܢ ܢܽܘܟ̥ܪ̈ܳܝܶܐ.

ܘܒܶܗ ܐܰܝܕܰܪܒܳܐ ܕ݄ܒܚܰܕ̱ ܦܰܓ̥ܪܳܐ ܗܰܕ̈ܳܡܶܐ ܓ̥ܰܠܰܒܶܐ ܟ݄ܬ ܠܰܢ، ܘܟܽܘܠّܶܗ ܗ̄ܰܗّܰܕ̈ܳܡܶܐ ܠܳܐ ܚܰܕ̱ ܥܒ̥ܳܕ̥ܳܐ ܟ݄ܬّܶܗ، ܘܰܐܚܢܰܐ ܣܬܶܝ ܗܰܘܟ̥ܰܐ، ܕܟ݄ܬܢܰܐ ܓ̥ܰܠܰܒܶܐ، ܚܰܕ̱ ܦܰܓ̥ܪܳܐ ܢܰܐ ܒ݄ܡܫܺܝܚܳܐ، ܘܟܽܘܠܰܢ ܗܰܕ̈ܳܡܶܐ ܢܰܐ ܕ݄ܚܕ̥ܳܕ̥̈ܶܐ.