Popular Bible Verses from ܐܶܓܰܪܬ̥ܳܐ ܠܰܪّܽܘܡܳܝ̈ܶܐ 10

Share

ܘܶܐܢ ܕܡܰܘܕܰܬ ܒܦܶܡܳܟ̥ ܒܡܳܪܰܢ ܝܶܫܽܘܥ ܘ݄ܡܗܰܝܡܢܰܬ ܒܠܶܒܳܟ̥ ܕܰܐ‌ܠܳܗܳܐ ܡܰܩ݄ܡ ܠܶܗ ܡܒܰܝܢ ܗ̄ܰܡّܺܝ̈ܬ̥ܶܐ ܓܕܳܗ̄ܘ݄ܢ ܠܳܟ̥ ܚܰܝ̈ܶܐ.

ܗ̄ܽܘ ܠܶܒܳܐ ܕ݄ܡܗܰܝܡ݄ܢ ܐܶܒܶܗ ܟܳܗ̄ܘܶܐ ܙܰܕܺܝܩܳܐ، ܘܽܗ̄ܘ ܦܶܡܳܐ ܕܡܰܘܕܶܐ ܐܶܒܶܗ ܓܕܳܗ̄ܘܶܐ ܠܶܗ ܚܰܝ̈ܶܐ.

ܗܰܢ ܢܰܩܠܐ ܗ̄ܺܝ ܗܰܝܡܳܢܽܘܬ̥ܳܐ ܡܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܝܳܐ، ܘܽܗ̄ܘ ܫܡܳܥܳܐ ܕܺܗ̄ܝ ܐܰܕ̥ܢܳܐ ܡܺܗ̄ܝ ܡܶܠܬ̥ܳܐ ܕܰܐ‌ܠܳܗܳܐ.

ܡܺܐܝܕ̥ܶܗ ܕܽܗ̄ܘ ܟܬ̥ܳܒ̥ܳܐ ܟܳܐܡ݄ܪ: ”ܟܽܘܠ ܚܰܕ̱ ܕ݄ܡܗܰܝܡ݄ܢ ܐܶܒܶܗ ܠ݄ܐ ܓܡܺܝܢܰܟ݄ܦ.“ ܘܒܰܗ̄ܬ̥ܶܐ ܠܳܐ ܦܪ݄ܫ ܠܶܗ ܒܰܝܢ ܗ̄ܰܝّܽܘܕ̥̈ܳܝܶܐ ܘܒܰܝܢ ܗ̄ܰܢ ܐܰܪ̈ܡܳܝܶܐ، ܡܺܐܝܕ̥ܶܗ ܕܚܰܕ̱ ܝܳܐ ܡܳܪܝܳܐ ܕܟܽܘܠّܶܗ، ܘܥܰܬܺܝܪܳܐ (ܘ݄ܡܪܰܚܡܳܢܳܐ) ܥܰܠ ܟܽܘܠ ܚܰܕ̱ ܕܩܳܪܶܐ ܠܶܗ. ”ܡܺܐܝܕ̥ܶܗ ܕܟܽܘܠ ܚܰܕ̱ ܕܩܳܪܶܐ ܐ݄ܫܡܶܗ ܕܡܳܪܝܳܐ ܟܳܗ̄ܘ݄ܢ ܠܶܗ ܚܰܝ̈ܶܐ.“

ܐܰܘ ܐܰܝܕܰܪܒܳܐ ܟܟ݄ܪܙܺܝ ܐܶܢ ܕܠܳܐ ܡܺܝܫܰܕܪܺܝ؟ ܘ݄ܐܟ̥ ܕ݄ܟܬ̥ܺܝܒ̥: ”ܡ݄ܢ ܫܰܦܺܝܪܳܐ ܝܳܐ ܗ̄ܽܘ ܡܰܐܬ̥ܝܳܐ ܕܰܡܣܰܒܪ̈ܳܢܶܐ ܕܽܗ̄ܘ ܫܠܳܡܳܐ ܘܕܰܡܣܰܒܪ̈ܳܢܶܐ ܕܰܛّܳܒ̥̈ܳܬ̥ܳܐ.“

ܗܰܢ ܢܰܩܠܐ ܐܰܝܕܰܪܒܳܐ ܓܩܳܪ݄ܢ ܠܰܗ̄ܘܳܐ ܕܠܳܐ ܡܗܰܝܡܰܢّܶܗ ܐܶܒܶܗ؟ ܐܰܘ ܐܰܝܕܰܪܒܳܐ ܕ݄ܡܗܰܝܡܢܺܝ ܠܰܗ̄ܘܳܐ ܕܠܳܐ ܫܰܡܺܝܥܺܝ ܠܶܗ؟ ܐܰܘ ܐܰܝܕܰܪܒܳܐ ܓܫ݄ܡܥܺܝ ܕܠܳܐ ܟܳܪܽܘܙܳܐ؟

ܗ̄ܽܘ ܢܺܝܫܳܐ (ܗ̄ܺܝ ܚܰܪܰܝܬܳܐ) ܕܽܗ̄ܘ ܢܳܡܽܘܣܳܐ ܡܫܺܝܚܳܐ ܝܳܐ، ܠܺܗ̄ܝ ܟܺܐܢܽܘܬ̥ܳܐ ܠܟܽܘܠ ܕ݄ܡܗܰܝܡ݄ܢ ܐܶܒܶܗ.