Popular Bible Verses from ܡܓܰܠܝܘܢ ܕܠܘܩܐ 11

Share

ܘܶܐܢ ܗܰܬܽܘ ܕܟ݄ܬ ܗ̄ܰܬܽܘ ܒܺܝܫ̈ܶܐ ܟ݄ܐܕ̥ܥܺܝܬܽܘ ܗ̄ܳܒܺܝܬܽܘ ܡܰܘܗ̈ܒܳܬ̥ܳܐ ܛܳܒ̥̈ܶܐ ܠܰܗ̄ܢ ܐܰܒܢ̈ܰܬ̥ܟ̥ܽܘ، ܡ݄ܩܰܐ ܒܽܗ̄ܘ ܙܳܝܽܘܕܳܐ ܗ̄ܽܘ ܒܰܒܰܬ̥ܟ̥ܽܘ ܓܕܳܗ̄ܒܶܐ ܡܺܗ̄ܝ ܫܡܰܝܳܐ ܪܽܘܚܳܐ ܕܩܽܘܕܫܳܐ ܠܰܐܝܢܰܐ ܕܳܐܒܥܺܝ ܡܶܢܶܗ؟“

ܘܳܐܢܳܐ ܣܬܶܝ ܟܳܐܡܰܪ ܐ̱ܢܳܐ ܠܟ̥ܽܘ: ܝܺܒܰܥܽܘ ܓܡܺܝܬܰܗܒ̥ܰܠܟ̥ܽܘ، ܟܪܰܟ̥ܽܘ ܓ݄ܕܚܳܙܺܝܬܽܘ، ܕܽܘܩܽܘ ܓܡ݄ܦܬ݄ܚ ܐܰ‌ܠܟ̥ܽܘ.

ܡܺܐܝܕ̥ܶܗ ܕܟܽܘܠ ܕܳܐܒ݄ܥ ܟܡܳܝ݄ܕ، ܘ݄ܕܟܳܪ݄ܟ̥ ܟܚܳܙܶܐ، ܘ݄ܕܕܳܝ݄ܩ ܟܡ݄ܦܬ݄ܚ ܐܶ‌ܠܶܗ.

ܐܡ݄ܪ ܠܰܗ ܠّܶܗ ܝܶܫܽܘܥ: ”ܐܶܡܰܐ ܕ݄ܡܨܰܠܺܝܬܽܘ ܗܰܘܟ̥ܰܐ ܐܡܰܪܽܘ: ܐܰܒܘܿܢ ܕܒܺܗ̄ܝ ܫܡܰܝܳܐ، ܡܺܝܩܰܕ݄ܫ ܐ݄ܫܡܳܟ̥، ܐ݄ܬ̥ܝܳܐ ܗ̄ܺܝ ܡܰܠܟܽܘܬ̥ܰܝܕ̥ܳܟ̥، ܗܳܘܶܐ ܗ̄ܽܘ ܨܶܒܝܳܢܰܝܕ̥ܳܟ̥ ܐܟ̥ ܕܟ݄ܬ ܝܳܐ ܒܺܗ̄ܝ ܫܡܰܝܳܐ، ܗܰܘܟ̥ܰܐ ܣܬܶܝ ܒܺܗ̄ܝ ܐܰܪܥܳܐ.

ܘ݄ܫܒܰܩ ܠܰܢ ܗ̄ܰܚ̈ܛܳܗܰܝܕ̥ܰܢ، ܕܰܐܚܢܰܐ ܣܬܶܝ ܫܒ݄ܩ ܠܰܢ ܠܟܽܘܠ ܕܚܳܛ݄ܢ ܠܰܐܦ ܐܶ‌ܠܰܢ. ܘܠܳܐ ܡܰܥܒܪܰܬ ܠܰܢ ܠܢܶܣܝܽܘܢܳܐ، ܐܶ‌ܠܳܐ ܦܪܰܩ ܠܰܢ ܡܽܗ̄ܘ ܒܺܝܫܳܐ.“

ܗܰܒ̥ ܠܰܢ ܗ̄ܽܘ ܠܰܚܡܳܐ ܕܺܗ̄ܝ ܣܢܺܝܩܽܘܬ̥ܰܝܕ̥ܰܢ ܟܽܘܠ ܝܰܘܡܳܐ،

ܗ̄ܺܝ ܫܪܳܓ̥ܳܐ ܕܽܗ̄ܘ ܦܰܓ̥ܪܰܝܕ̥ܳܟ̥ ܗ̄ܺܝ ܥܰܝܢܳܐ ܝܳܐ. ܗܰܢ ܢܰܩܠܐ ܐܶܡܰܐ ܕܥܰܝܢܳܟ̥ ܟܳܗ̄ܘܝܳܐ ܢܰܝ݄ܚܬܳܐ (ܛܰܒ̥ܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܟܽܘܠܶܗ ܒܢܽܘܗܪܳܐ ܟܳܗ̄ܘܶܐ، ܘܶܐܢ ܟܳܗ̄ܘܝܳܐ ܒܺܝܫܬܳܐ (ܚܰܪܒܬܳܐ)، ܗ̄ܽܘ ܦܰܓ̥ܪܰܝܕ̥ܳܟ̥ ܣܬܶܝ ܒܥܰܡܛܳܢܳܐ ܟܳܗ̄ܘܶܐ.

”ܠܳܐ ܢܳܫܳܐ ܟܡܰܢܗ݄ܪ ܫܪܳܓ̥ܳܐ ܘܡܰܚ݄ܬ ܠܰܗ ܒܕܽܘܟܬ̥ܳܐ ܬܠܺܝܬ̥ܳܐ ܐܰܘ ܬܰܚܬ ܗ̄ܽܘ ܣܶܦܳܩܳܐ، ܐܶ‌ܠܳܐ ܥܰܠ ܗ̄ܺܝ ܡܢܳܪܬܳܐ ܕܚܳܙ݄ܢ ܗܰܢܺܝ ܕܥܳܒܪܺܝ ܗ̄ܽܘ ܢܽܘܗܪܰܝܕ̥ܶܗ.