Popular Bible Verses from ܡܓܰܠܝܘܢ ܕܝܘܚܢܢ 21

Share

ܘܒ݄ܬ̥݄ܪ ܕܰܐܟ̥݄ܠّܶܗ، ܝܶܫܽܘܥ ܐܡ݄ܪ ܠܶܗ ܠܫܶܡܥܽܘܢ ܟܶܐܦܳܐ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ ܙ݄ܕ ܡܰܗ̄ܢܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ: ”ܗܘܰܝ ܪܳܥܝܳܐ ܠܰܦّܰܪ̈ܰܝܕ̥ܺܝ.“ ܘܕܰܬّܰܪܬܶܝ ܟܳܪ̈ܶܐ ܐܡ݄ܪ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܐܡ݄ܪ ܠܶܗ ܠܶܗ: ”ܐܺܝܢ ܡܳܪܝ، ܗܰܬ ܟ݄ܐܕ̥ܥܰܬ ܕܟܳܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥّܶܪ̈ܒܰܝܕ̥ܺܝ.“ ܘܕܰܬܠ݄ܬ̥ ܟܳܪ̈ܶܐ ܐܡ݄ܪ ܠܶܗ ܠܶܗ: ”ܫܶܡܥܽܘܢ ܗ̄ܽܘ ܐܰܒܪܳܐ ܕܝܰܘܢܳܐ، ܟܪ݄ܚܡܰܬ ܠܺܝ؟“ ܘܟܰܪܝܳܐ ܠܶܗ ܠܟܶܐܦܳܐ ܥܰܠ ܕܐܡ݄ܪ ܠܶܗ ܠܶܗ ܬܠ݄ܬ̥ ܟܳܪ̈ܶܐ: ܟܪ݄ܚܡܰܬ ܠܺܝ؛ ܘܐܡ݄ܪ ܠܶܗ ܠܶܗ: ”ܡܳܪܝ، ܗܰܬ ܟܽܘܠ ܡܶܕܶܐ ܟ݄ܐܕ̥ܥܰܬ، ܘܟ݄ܐܕ̥ܥܰܬ ܕ݄ܟܪܳܚܰܡܢܳܟ̥.“ ܐܡ݄ܪ ܠܶܗ ܠܶܗ ܝܶܫܽܘܥ: ”ܗܘܰܝ ܪܳܥܝܳܐ ܠܰܥ̈ܘܳܢܰܝܕ̥ܺܝ.

ܫܪܳܪܳܐ ܫܪܳܪܳܐ ܟܳܐܡܰܪ ܐ̱ܢܳܐ ܠܳܟ̥: ܗ̄ܺܝ ܢܰܩܠܐ ܕܟ݄ܬ ܗ̄ܘܰܝܬ ܛܰܠܝܳܐ، ܗܰܬ ܒܺܐܝܕ̥ܳܟ̥ ܡܰܐܣܪܰܬ ܗ̄ܘܰܐ ܚܰܨܳܟ̥ ܘ݄ܡܗܰܠܟ̥ܰܬ ܗ̄ܘܰܐ ܠܰܐܝܟܳܐ ܕܳܐܒܥܰܬ ܗ̄ܘܰܐ. ܐܶ‌ܠܳܐ ܡ݄ܐ ܕܗܰܘܰܬ ܣܳܒ̥ܳܐ، ܓ݄ܕܦܳܫܛܰܬ ܐܺܝܕ̥̈ܳܬ̥ܳܟ̥ ܘܢܳܫܳܐ ܚܪܶܢܳܐ ܓ݄ܕܡܰܐܣ݄ܪ ܚܰܨܳܟ̥ ܘܡܰܘܒܶܠ ܠܳܟ̥ ܠܰܐܝܟܳܐ ܕܠ݄ܐ ܟ݄ܐܒܥܰܬ.“

ܐܡ݄ܪ ܠܰܗ ܠّܶܗ: ”ܡܚܰܠܶܩܽܘ ܗ̄ܺܝ ܡܨܺܝܕܬܰܬ̥ܟ̥ܽܘ ܡܽܗ̄ܘ ܓܰܒܳܐ ܕܽܗ̄ܘ ܝܰܡܺܝܢܳܐ ܕܺܗ̄ܝ ܣܦܺܝܢ̱ܬܳܐ ܘܓ݄ܕܚܳܙܺܝܬܽܘ.“ ܘ݄ܡܚܰܠܰܩّܶܗ، ܘܠܳܐ ܩܰܕܺܝܪܺܝ ܕܓܳܪܫܺܝ ܗ̄ܺܝ ܡܨܺܝܕ̥ܬܳܐ ܡܰܗ̄ܢ ܢܽܘܢ̈ܶܐ ܓ̥ܰܠܰܒܶܐ ܕ݄ܙܒ݄ܛ ܠܰܗ.

ܫܶܡܥܽܘܢ ܟܶܐܦܳܐ ܐܡ݄ܪ ܠܰܗ ܠّܶܗ: ”ܓܕ݄ܐܙّܺܝ ܨܳܝܰܕ ܐ̱ܢܳܐ ܢܽܘܢ̈ܶܐ.“ ܐܡ݄ܪّܰܗ ܠܶܗ: ”ܐܰܚܢܰܐ ܣܬܶܝ ܓܕܳܐܬ̥ܺܝܢܰܐ ܐܰܥܡܳܟ̥.“ ܘܢܰܦܺܝܩܺܝ ܘܣܰܠܺܝܩܺܝ ܠܺܗ̄ܝ ܣܦܺܝܢ̱ܬܳܐ. ܘܒܽܗ̄ܘ ܠܰܠܝܰܘܳܐ ܠܳܐ ܨ݄ܕّܶܗ ܡܶܕܶܐ.